ހުޅުމާލޭ ހިޔާ ފުލެޓް 7 އަދި 11 ގެ ބައެއް ފަންގިފިލާތަކުން މިރޭގެ ވަގުތެއްގައި ފެނުގެ ޚިދުމަތް މެދުކެނޑޭނެ ކަމަށް އެމްޑަބްލިޔުއެސްސީން ބުނެފިއެވެ. 

އެމްޑަބްލިޔުއެސްސީގެ އެކްސްގައި ކުރި ޕޯސްޓެއްގައި ބުނެފައިވާ ގޮތުން، މިރޭ 1:00 އިން 2:00 އަށް ހިޔާ ފުލެޓް 7 ގެ 17 ވަނަ ފަންގިފިލާއިން 25 ވަނަ ފަންގިފިލާއަށް އަދި ހިޔާ ފުލެޓް 11 ގެ 1 ވަނަ ފަންގިފިލާއިން 8 ވަނަ ފަންގިފިލާއަށް ފެނުގެ ޚިދުމަތް މެދުކެނޑިގެންދާނެއެވެ.

މި މެދުކެނޑުމަކީ މީޓަރ ރޫމްތަކުގައި ކުރަން ހަމަޖެހިފައިވާ މަރާމާތުގެ މަސައްކަތަކާ ގުޅިގެން ދިމާވާ މެދުކެނޑުމެކެވެ.

އަދި މިކަމުގެ ސަބަބުން ރައްޔިތުންނަށް ކުރިމަތިވެދާނެ އުނދަގޫތަކަށް އެމްޑަބްލިޔުއެސްސީ އިން މަޢާފަށް އެދިފައިވެއެވެ.