އީރާނުން އިޒްރާއީލަށް އަމާޒުކޮށް މިރޭގެ ވަގުތެއްގައި މިސައިލް ހަމަލާތަކެއްދީފިއެވެ.

އިޒްރާއީލްގެ ޑިފެންސް ފޯސްއިން ވަނީ މިކަން ޔަގީންކޮށްދީފައެވެ. އިޒްރާއީލްގެ ޑިފެންސް ފޯސްއިން ބުނީ އެޤައުމުގެ މެދުތެރޭގެ އަވަށްތަކަށް އަމާޒުކޮށް އީރާނުން ފޮނުވާލި ހަމަލާތަކެއް އަމާޒުވެފައިވާކަމަށެވެ. މި ހަމާލާތައް އިޒްރާއީލުގެ 10 މިލއަން މީހުނަށް ކުރާނޭކަމަށް ޔަހޫދީ ސިފައިންގެ ވުޒާރާއިން ވަނީ ލަފާކޮށްފައެވެ.

ކުއްލިއަކަށް އީރާނުން ދިން މިސައިލް ހަމަލާތަކަކީ، މިފަހުން އެޤައުމުން އިޒްރާއީލަށް ދިން އެންމެ ވަރުގަދަ ހަމަލާތަކެވެ. އިޒްރާއީލަށް މިސައިލް ހަމަލާތައް އަރާ މަންޒަރު ސޯޝަލް މީޑިއާގެ މިހާރު ވަނީ ދައުރުވާން ފަށާފައެވެ.

Advertisement

މިކަމާ ގުޅިގެން މުޅި އިޒްރާއީލަށް ކުއްލި ސިހުމެއް ލިބިފައިވާއިރު، ޔަހޫދީން ގެންދަނީ ހަމަލާތަކުން ރައްކާތެރިވުމުގެ ގޮތުން ބިންގަރާސްތަކަށް ވަދެ ފިލަމުންކަމަށް މީޑިއާގެ ބައެއް ރިޕޯޓްތައް ބުނެއެވެ.

އީރާނުން އިޒްރާއީލަށް ކުއްލި ހަމަލާތަކެއް ދީފައިމިވަނީ، އިޒްރާއީލުން ޙިޒްބުاللهގެ ވެރިޔާ އަލް-ސައްޔިދް ޙަސަން ނަޞްރުالله  ޝަހީދުކޮށްލައި، ލުބުނާނަށް ދެމުންގެންދާ ހަމަލާތައް ވަރުގަދަކޮށްފައިވަނިކޮށެވެ. މީގެ އިތުރުން އިޒްރާއީލުން ޝަހީދުކޮށްލާފައިވާ ޙަމާސް ޖަމާޢަތުގެ ވެރިޔާ އިސްމާޢީލް ހަނިއްޔާގެ މަރުގެ ބަދަލު ހިފުމަކީ އީރާނުގެ ޒިންމާއެއްކަމަށް އީރާނުގެ ރޫހާނީ ލީޑަރު ޢަލީ ޚާމަނާއީ ވަނީ މީގެ ކުރިން ވިދާޅުވެފައެވެ.

މީޑިއާގެ ރިޕޯޓްތަކުން ދޭހަވާގޮތުގައި އީރާނުން ވަނީ އިޒްރާއީލަށް ހަމަލާތަކެއް ދިނުމަށް ތައްޔާރުވެފައެވެ. އެގޮތުން އީރާނުގެ ރޫހާނީ ލީޑަރު ޢަލީ ޚާމަނާއީގެ ސެކިއުރެޓީގެ ކަންކަން މީގެ ހަފްތާއެއްހާ ދުވަސްކުރިން ވަނީ ވަރަށް ވަރުގަދަކޮށްފައެވެ. ބައެއް މަސްދަރުތަކުން އަންނަ ހަބަރުތަކުން އެނގޭގޮތުގައި ރޫހާނީ ލީޑަރު މިހާރު ހުންނެވިތަކެއް އެއްވެސް މީހަކަށް ނޭނގެއެވެ.