އީރާނުގެ ވައިގެ ސަރަހައްދު މީގެ ކުޑައިރުކޮޅެއް ކުރިން ބަންދުކޮށްފިއެވެ.
އީރާނުގެ ބައެއް މީޑިއާތަކުން ދާދި ދެންމެއަކު ބުނެފައިވަނީ، އެޤައުމުގެ ޓްރާންސްޕޯޓް މިނިސްޓްރީން ވައިގެ ސަރަހައްދު ބަންދުކޮށްފައިވާކަމަށެވެ. މިކަމާ ގުޅޭގޮތުން އީރާނު ސަރުކާރުން ތަފްސީލެއް ދީފައެއް ނުވެއެވެ.
އީރާނުން އެޤައުުމުގެ ވައިގެ ސަރަހައްދު ކުއްލިއަކަށް ބަންދުކޮށްފައިމިވަނީ، މިރޭގެ ވަގުތެއްގައި އެޤައުމުން އިޒްރާއީލަށް އަމާޒުކޮށް އެތައް ސަތޭކަ މިސައިލެއް ފޮނުވާލާފައި ވަނިކޮށެވެ. އިޒްރާއީލުގެ ދިފާއީ ވުޒާރާއިންވެސް ވަނީ އީރާނުން އެޤައުމަށް ވައިގެ ކުއްލި ހަމަލާތަކެއް ދީފައިވާކަން ޔަގީންކޮށްދީފައެވެ. އިޒްރާއީލްގެ ޑިފެންސް ފޯސްއިން ބުނީ އެޤައުމުގެ މެދުތެރޭގެ އަވަށްތަކަށް އަމާޒުކޮށް އީރާނުން ފޮނުވާލި ހަމަލާތަކެއް އަމާޒުވެފައިވާކަމަށެވެ.
މި ހަމާލާތައް އިޒްރާއީލުގެ 10 މިލިއަން މީހުނަށް ކުރާނޭކަމަށް ޔަހޫދީ ސިފައިންގެ ވުޒާރާއިން ވަނީ ލަފާކޮށްފައެވެ.
އީރާނުގެ އިސްލާމިކް ރިވޮލިއުޝަނަރީ ގާޑުން ބުނީ، އެޤައުމުން އިޒްރާއީލަށް އަމާޒުކޮށް ފޮނުވާލީ އެންމެ ފަހުގެ ހައިޕަ ސޮނިކް މިސައިލްތަކެއް ކަމަށެވެ. ފޮނުވާލި މިސައިލްތަކުން ގިނަ އަދަދެއްގެ މިސައިލްތައް އިޒްރާއީލާ އެމެރިކާގެ މިސައިލްތަކުން ދިފާއުވާ ސިސްޓަމް ފޫއަޅުވާލުމަށްފަހު އިޒްރާއީލުގެ ތެރެއަށް ވާސިލްވެފައިވާކަން ރިވޮލިއުޝަނަރީ ގާޑުން ވަނީ ހާމަކޮށްފައެވެ.
Advertisement
This content is created and paid for by advertisers and does not involve Voice Journalists
