ހެނދުނު އިނގުރު ފެން ތައްޓެއް ބުއިމުން ސިއްހީ ގޮތުން ގިނަ ފައިދާތަކެއް ލިބިގެންދާއިރު، މިއީ ބަރުދަން ލުއި ކުރުމަށްވެސް އެހީވެދޭ ކަމެކެވެ. އެގޮތުން މި ލިޔުމުގައި ބަލާލާނީ ހެނދުނު ހޭލައިގެން އިނގުރު ފެންތައްޓެއް ބުއިމުގެ ފައިދާ ތަކުގެ މައްޗަށެވެ. 

1. ހަޖަމުކުރުމަށް އެހީތެރިވެދޭ: އިނގުރަކީ ހަޖަމުކުރުމަށް އެހީތެރިވެދޭ އެއްޗެއްގެ ގޮތުގައި މަޝްހޫރު އެއްޗެކެވެ. ޚާއްސަކޮށް ގޭހުގެ މައްސަލަ ހައްލު ކުރުމަށް ހެނދުނު ހޭލައިގެން އިނގުރު ތައްޓެއް ބުއިމަކީ މުހިންމު ކަމެކެވެ. 

2. އެންޓި-އިންފްލެމެޓަރީ ޕްރޮޕަޓީސް: އިނގުރުގައި ޖިންޖަރޯލް ފަދަ ކޮމްޕައުންޑްތައް ހިމެނޭއިރު، މިއީ އެންޓި-އިންފްލެމެޓަރީ ޕްރޮޕަޓީސް ހިމެނޭ އެއްޗެކެވެ. މިއީ ހަށިގަނޑުގެ ދުޅަހެޔޮކަމަށް ފައިދާހުރި އަދި އާތުރައިޓިސް ފަދަ ހާލަތްތަކުގައިވެސް އެހީތެރިވެދޭނެ ކަމެކެވެ.

Advertisement

3. އިމިއުނިޓީ އިތުރުކޮށްދޭ: އިނގުރުގައި އެންޓިއޮކްސިޑެންޓް ޕްރޮޕަޓީތަކެއް ހުރުމުން ދިފާއީ ނިޒާމު ވަރުގަދަކޮށްދީ، އިންފެކްޝަން ޖެހުމުގެ ނުރައްކާ ކުޑަކޮށްދެއެވެ.

4. ބްލަޑް ސާރކިއުލޭޝަން ރަނގަޅުކޮށްދޭ: އިނގުރަކީ ލޭދައުރުވުން ރަނގަޅުކޮށްދޭ އެއްޗަކަށް ވާއިރު، މިއީ ޖުމްލަ ކާޑިއޯ ވެސްކިއުލަރ ސިއްހަތަށް ފައިދާހުރި އެއްޗެކެވެ.

5. ބަރުދަން ލުއި ކުރުމަށް އެހީތެރިވެދޭ: ބައެއް ދިރާސާތަކުން ދައްކާ ގޮތުގައި އިނގުރަކީ މެޓަބޮލިޒަމް އިތުރުކޮށްދީ، ބަނޑު ފުރިފަ ހުރުމުގެ އިހުސާސްތައް އިތުރުކޮށްދީ، ބަރުދަން ކޮންޓްރޯލް ކުރުމަށް އެހީތެރިވެދޭ އެއްޗެކެވެ.

6. މޭނުބައިކުރުން ފިލުވައިދެއޭ: އިނގުރަކީ މޭނުބައިކުރުން ފިލުވައިދޭ ކަމަށް މަޝްހޫރު އެއްޗަކަށް ވާތީ، މޯނިންގ ސިކްނެސް ކުރިމަތިވާ މީހުންނަށް މިއީ ރަނގަޅު އެއްޗެކެވެ.

7. ހައިޑްރޭޝަން: އިނގުރު ފެން ތައްޓަކުން ދުވަސް ފެށުމަކީ ހަށިގަނޑަށް ކޮންމެހެން ބޭނުންވާ ހައިޑްރޭޝަން ނުވަތަ ފެން ލިބިދިނުމަށް އެހީތެރިވެދޭ ކަމެކެވެ.

އިނގުރު ފެން ތައްޔާރު ކުރުމަށްޓަކައި ހޫނު ފެން ތައްޓަކަށް ތާޒާ އިނގުރުގެ ދެތިން ސްލައިސް އަޅައިގެން މަދު މިނިޓެއްހާއިރު ހޫނުކޮށްލަާށެވެ. އަދި އިތުރު ރަހައަކާއި ފައިދާތަކެއް ހޯދުމަށް ކުޑަކުޑަ މާމުއި ނުވަތަ ލުނބޯ ވެސް އަޅާލެވިދާނެ އެވެ.