ރައީސުލްޖުމްްްހޫރިއްޔާ ޑރ.މުހަަައްްްމަަދު މުއިއްޒު އާއި އެމަަނިކުފާނުގެ އަަނބިކަަަނބަަލުން ސާޖިދާ މުހައްމަދު މިއަދު އިންޑިއާއަށް ވަޑައިގެންފިއެވެ.

ނިއުދިއްލީގެ ވައިގެ ބަނދަރުން ރައީސް ޑރ.މުއިއްްޒުގެ ދެކަަނބަަަލުންްނަށް މަރުހަބާ ވިދާޅުވީ އިންޑިއާ ސަރުކާރުގެ އިސްވެރިންނެވެ. ރައީސް ޑރ.މުއިއްޒު އިންޑިއާއަށް މި ވަޑައިގެންނެވީ، އެޤައުމުގެ ރައީސް ދުރޫޕަތީ މުރުމޫގެ ރަސްމީ ދައުވަތަކަށެވެ. 

މި ދަތުރުފުޅުގައި ދެ ޤައުމުގެ ދެމެދުގައި ރަސްމީ ވާހަކަތައް ބޭއްވުމަށް ވަނީ ހަމަޖެހިފައެވެ.

Advertisement

ރަައީސުލްޖުމްހޫރިއްޔާ ޑރ.މުއިއްޒުގެ މި ދަތުރުފުޅުގައި އެމަނިކުފާނުގެ އަރިހުގައި ކެބިނެޓްގައި ހިމެނިވަޑައިގަންނަވާ ވަޒީރުންވެސް ބައިވެރިވެ ވަޑައިގެންނެވިއެވެ. 

މި ދަތުރުފުޅުގައި އިންޑިއާގެ ރަައީސްގެ ފަރާތްޕުޅުން ރަސްމީގޮތުން މަރުހަބާ ދެންނެވުން ބޭއްވުމަށް ހަމަޖެހިފައިވަނީ މާދަމާއެވެ. ރަސްމީ ވާހަކަތައް ބޭއްވުމަށް ހަމަޖެހިފައިވަނީ ބޮޑުވަޒީރު ނަރެންދްރަ މޯދީގެ ރަސްމީ އޮފީހުގައެވެ. މަޝްވަރާގެ ވާހަކަތަކަށްފަހު ރަސްމީ ބަޔާން ދެއްވުމުގެ އިތުރުން ދެ ޤައުމުގެ ދެމެދުގައި އެއްބަސްވުންތަކުގައި ސޮއިކުރުން އޮންނާނޭކަމަށް ރައީސް އޮފީހުން ބުނެއެވެ.

ރާއްޖެއާ އިންޑިއާ އާ ދެމެދު ބޭއްވުމަށް ހަމަޖެހިފައިވާ ރަސްމީ ބައްދަލުވުންތަކަށްފަހު ރުޕޭކާޑް ރާއްޖޭގަައި ބޭނުންކުރުން އިފްތިތާހުކުރުމުގެ އިތުރުންވެސް އިގްތިސާދާ ގުޅޭ މުހިއްމު ކަންތައްތަކެއް އިފްްތިތާހްކުރުމަށް ވަނީ ހަމަޖެހިފައެވެ. ރައީސް ޑރ.މުއިއްޒުގެ މި ދަތުރުފުޅުގައި ނިއުދިއްލީގެ އިތުރުން ވިޔަފާރީގެ ސިޓީތަކަށް ވަޑައިގަންނަވާނެއެވެ. 

މިއީ ރައީސުލްޖުމްހޫރިއްޔާގެ މަޤާމާ ހަވާލުވެ ވަޑައިގަތުމަށްފަހު ރައީސް ޑރ.މުއިއްޒު އިންޑިއާއަށް ކުރައްވާ ދެވަނަ ދަތުރުފުޅެވެ. މީގެ ކުރިން ރައީސް ޑރ.މުއިއްޒު އިންޑިއާއަށް ވަޑައިގެންނެވީ ނަރެންދުރަ މޯދީ ބޮޑުވަޒީރުކަމުގެ ހުވާ ކުރެއްވުމަށް ބޭއްވި ރަސްމިއްޔާތަށެވެ.