ރާއްޖޭގެ ސިޔާދަތީ ބާރު ގެއްލޭގޮތަށް އިންޑިއާ އާއެކު އެއްވެސް އެއްބަސްވުމެއް ޤާއިމްކޮށްފައެއް ނޯންނާނޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ރައީސް މިހެން ވިދާޅުވެފައިވަނީ، އިންޑިއާއަށް ކުރައްވަމުން ގެންދަވާ ދަތުރުފުޅުގައި، މިއަދު ބެންގަލޫރަށް ވަޑައިގެން އެތަނުގައި ތިބި ދިވެހިންނާއި ބައްދަލުކުރެއްވުމަށް ބޭއްވި ހަފްލާގައި ވާހަކަދައްކަވަމުންނެވެ.
ރައީސް ޑރ.މުއިއްޒު ވިދާޅުވީ، އިންޑިއާ ދަތުރުގައި އެ ޤައުމާއެކު، އެއްބަސްވި އަދި ސޮއިކުރެވުނު އެއްވެސް އެއްބަސްވުމަކުން ދިވެހިރާއްޖޭގެ އަދި ދިވެހިންގެ މިނިވަންކަމަކަށް އަސަރެއް ނުކުރާނޭ ކަމަށާއި، އެއްބަސްވުންތައް ވެފައިވާނީ ދެފުށްފެންނަ ގޮތަށްކަމަށެވެ.އެގޮތުން ރާއްޖޭގެ ސިޔާދަތީ ބާރުގެ ތެރެއަށް އިތުރު ޤައުމެއްގެ ބާރު އެއްކޮށް ހިނގާނޭ ފަދަ ގޮތަކަށް އަމަލުކުރަން އެއްބަސްވެފައި ނޯންނާނޭކަމަށް ރައީސް ވިދާޅުވިއެވެ.
ރައީސުލްޖުމްހޫރިއްޔާ ބެންގަލޫރުގައި އުޅެމުންދާ ދިވެހިންނާއެކު ބޭއްވި ބައްދަލުވުމުގެ ތެރެއިން... ފޮޓޯ/ ރައީސް އޮފީސް
ރައީސް ވިދާޅުވީ އަދުގެ ސަރުކާރުގެ ހާރިޖީ ސިޔާސަތުގެ އަސާސަކީ އެންމެ ފުރަތަމަވެސް ދިވެހި ޤައުމާއި ރައްޔިތުން އިސްކުރުން ކަމަށެވެ. އަދިވެސް މި ސަރުކާރުން އަމަލުކުރަމުންދަނީ ރިޔާސީ އިންތިހާބުގެ ކެމްޕެއިނުތެރޭގައި އިއުލާނުކުރި ހާރިޖީ ސިޔާސަތުކަމަށާއި، އެ ސިޔާސަތު ބަދަލު ނުވާކަމަށެވެ. މީގެކުރިން ގެންްގުޅުނު ހާރިޖީ ސިޔާސަތު މިވެރިކަމުގައި ގެންގުޅެފާނެހެން ބަޔަކަށް ހީވިނަމަވެސް އެކަން އެގޮތަށް ނުހިނގާނޭކަމަށްވެސް ރައީސް ވިދާޅުވިއެވެ.
ރައީސުލްޖުމްހޫރިއްޔާ ބެންގަލޫރުގައި އުޅެމުންދާ ދިވެހިންނާއެކު ބޭއްވި ބައްދަލުވުމުގެ ތެރެއިން... ފޮޓޯ/ ރައީސް އޮފީސް
އިންޑިއާ ސިފައިން ރާއްޖެއިން އަނބުރާ ފޮނުވާލުމުގެ މަސައްކަތް އޮމާންކަމާއި ސުލްހަވެރިކަމާއެކު ނިމިފައިވާކަން ފާހަގަކުރައްވަމުން ރައީސް ވިދާޅުވީ، އެކަން ކުރިއަށްދިޔައީ ދެ ޤައުމުގެ ގުޅުމުގެ ތެރެއިން ރީތިކޮށްކަމަށެވެ.
ބެންގަލޫރަށްް މިއަަދު ވަޑައިގެންްް ރައީސް ވަަނީ އެސިޓީގައި ބޭއްވި އިންވެސްޓްމަންޓް ފޯރަމްގައި ބައިވެރިވެ ވަޑައިގެން ވާހަކަފުޅު ދައްކަވާފައެވެ. ބެންގަަަލޫރަކީ އިންޑިއާގެ ސިޓީތަަކުގެ ތެރެއިން ޓެކްނޮލޮޖީގެ ރޮގުން އެންްމެ ފާހަަަގަކޮށްްލެވޭ ސިޓީއެވެ.
Advertisement
This content is created and paid for by advertisers and does not involve Voice Journalists
