ޔޫޓިއުބްގައި ރަޝިޔާގެ ދައުލަތުގެ މީޑިއާ ޗެނަލްތައް މަނާކުރިކަމަށް ބުނެ، 20 ޑެސިލިއަން ޑޮލަރުން ޖޫރިމަނާކޮށްފިއެވެ.
ޑޮލަރުގެ ގޮތުން އޭގެ މާނައަކީ ގޫގުލް އިން ރަޝިއާއަށް 20،000،000،000،000،000،000،000،000،000،000،000 ޑޮލަރު ދައްކަންޖެހޭ ކަމެވެ.
ދުނިޔޭގެ އެންމެ މުއްސަނދި އެއް ކުންފުނި ކަމުގައި ވިޔަސް، އެއީ ގޫގުލްގެ އަގުކަމަށްވާ ދެ ޓްރިލިއަން ޑޮލަރަށް ވުރެ މާ ބޮޑު އަދަދެކެވެ.
ހަގީގަތުގައި އެއީ ދުނިޔޭގެ ޖުމްލަ ޖީޑީޕީއަށް ވުރެ މާ ބޮޑު އަދަދަކަށްވާއިރު، ދުނުޔޭގެ ޖުމްލަ ޖީޑީޕީއަކީ އިންޓަނޭޝަނަލް މަނިޓަރީ ފަންޑުން ލަފާކުރާ ގޮތުގައި 110 ޓްރިލިއަން ޑޮލަރެވެ.
ރަޝިޔާގެ ދައުލަތުގެ މީޑިއާ ޓާސް އިން މި ހަފްތާގައި ރިޕޯޓްކޮށްފައިވާ ގޮތުގައި ރަޝިޔާގެ ކޯޓަކުން މީގެ ކުރިން ގޫގުލް އިން ވަނީ ޔޫޓިއުބް ޗެނަލްތައް އަލުން ހޯދުމަށް އަމުރުކޮށްފަ އެވެ. އަދި ލިބޭ ގެއްލުންތަކަށް ކޮންމެ ހަފްތާއަކު ޖޫރިމަނާ އިތުރުވަމުންދާނެކަމަށް ވެސް ވަނީ އެގައުމުގެ ކޯޓުން ނިންމާފައެވެ.
މިކަމާއި ގުޅިގެން ގޫގުލް އިން މިއީ "ގާނޫނީ" ކަމެއްގެ ގޮތުގައި ސިފަކޮށް ބުނީ، މިފަދަ ގާނޫނީ މައްސަލަތަކުން އެ ކުންފުނީގެ އާމްދަނީއަށް އެއްވެސް ލޮޅުމެއް ނާންނާނެކަމަށެވެ.
Advertisement
This content is created and paid for by advertisers and does not involve Voice Journalists
