މޯލްޑިވްސް މީޑިއާ ކައުންސިލުގެ ހުސްވެފައިވާ މަގާމުތަކަށް މެމްބަރުން މިއަދު އިންތިހާބުކޮށްފިއެވެ.

މީޑިއާ ކައުންސިލްގެ މަގާމުތަކަށް މެމްބަރުން އިންތިހާބުކުރުމުގެ ގޮތުން އިންތިހާބު ކުރިއަށްގެންގޮސްފައިވަނީ، ޒުވާނުންގެ މަރުކަޒުގައެވެ. އެމްއެމްސީއަށް މިއަދު 10 މެމްބަރަކު ވަނީ އިންތިހާބުކޮށްފައެވެ.

އިންތިހާބުކުރި 10 މެމްބަރުން:

1- ފާތިމަތު ޝަނާ މުހައްމަދު - މިހާރު އޮންލައިން

2- ނަޖާހު މަސްއޫދު - ވަގުތު އޮންލައިން

3- ހަސަން ޝާކިރު - އާފަތިސް އޮންލައިން

4- ހަފްސީ އަބްދުﷲ - ހަފްސީ ޑޮޓްކޮމް

5- ހުސައިން ޝަގީފް - ތިލަދުން އޮންލައިން

6- ހުސެއިން ހަސަން ހަތާވީސް އޮންލައިން

7- ފާތިމަތު ނަހުދާ ފާއިޒް - ދިޔަރެސް އޮންލައިން

8- އިބްރާހިމް ފައުޒީ - އަމިއްލަ 

9- ފާތިމަތު ފަހުމީ - އަމިއްލަ 

10- އިބްރާހިމް މުހައްމަދު - އަމިއްލަ 

މީޑިއާ ކައުންސިލް އިންތިހާބުގެ ތެރެއިން..

މީޑިއާ ކައުންސިލުން ބުނީ މިފަހަރުގެ އިންތިހާބުގައި ވޯޓުލުމަށް 148 މީޑިއާއަކުން ރަޖިސްޓްރީކޮށްފައިވާކަމަށެވެ. މީޑިއާ ކައުންސިލް މެމްބަރުންގެ ދައުރަކީ 2 އަހަރެވެ. މީޑިއާ ކައުންސިލް ބިނާވަނީ 15 މެމްބަރުންގެ މައްޗަށެވެ. އޭގެ ތެރޭގައި ހިމެނެނީ މީޑިއާތަކުން8 މެމްބަރުންނާއި އާއްމު މެމްބަރުންގެ ތެރެއިން 7 މެމްބަރެކެވެ.

މީޑިއާ ކައުންސިލަކީ ރާއްޖޭގެ މީޑިއާތަކުގެ ބަލަދުވެރިފަރާތެވެ. ކައުންސިލުގެ މައިގަނޑު މަސައްކަތަކީ މީޑިއާގެ މިނިވަންކަން ޤާނޫނު ތަންދޭ ގޮތުގެމަތިން ވީހާވެސް ފުޅާދާއިރާއެއްގައި އެކަށައަޅައި އާލާކޮށް ދެމެހެއްޓުމެވެ. އަދި ޒިންމާދާރު ގޮތެއްގައި ހަރަކާތްތެރިވާ މީޑިއާއެއް ޤާއިމްކޮށްދިނުމާއެކު، ދިވެހި މުޖުތަމަޢު ޤަބޫލުކުރާ އެންމެމަތީ އަޚްލާޤީ ސުލޫކީ މިންގަނޑުތަކެއް ހިފަހައްޓާ މީޑިއާއެއް ރާއްޖޭގައި ޤާއިމުކޮށް ދެމެހެއްޓުމެވެ.