މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ބޯޑަށް ބަދަލުތަކެއް ގެނެސްފިއެވެ.
އެގޮތުން އެމްއެމްއޭގެ ބޯޑުގައި ޕްރައިވެޓް ސެކްޓަރ ތަމްސީލުކުރައްވަމުން ގެންދެވި ދެ މެންބަރުން މަޤާމުން ވަނީ ވަކިކޮށްފައެވެ.
މަޤާމުން ވަކިކުރެވުނު ދެ މެންބަރުންނަކީ މޯލްޑިވްސް އެސޯސިއޭޝަން އޮފް ޓުއަރިޒަމް އިންޑަސްޓްރީ (މަޓީ)ގެ ޑެޕިއުޓީ ސެކްރެޓަރީ ޖެނެރަލް އައްސަދު އަލީ އާއި ޤާނޫނީ ވަކީލު އަލްއުސްތާޛު ޝަހުދީ އަންވަރެވެ.
މި ބަދަލުތައް ގެނެވުނު ވަކި ސަބަބެއް ރަސްމީކޮށް ހާމަކުރައްވާފައި ނުވިނަމަވެސް، އެމްއެމްއޭގެ އެތެރޭގެ ބަދަލުތަކަކީ ދޭތެރެ ދޭތެރެއިން އަބަދުވެސް ގެންނަމުންދާ ބަދަލުތަކެއް ކަމަށް އެމްއެމްއޭގެ އޮފިޝަލެއް ވޮއިސްއަށް މައުލޫމާތު ދެއްވަމުން ވިދާޅުވިއެވެ.
މަރުކަޒީ ބޭންކުގެ ވެބްސައިޓުގައިވާގޮތުން ގަވަރުނަރު ނުހިމަނައި ޑިރެކްޓަރުންގެ ބޯޑުގައި މިހާރު ތިއްބެވީ 4 މެމްބަރުންނެވެ. އެއީ ޑެޕިއުޓީ ގަވަރުނަރު އަހުމަދު އިމާދާއި، އެޑުވައިޒަރު އިދުހާމް ހުސައިން އާއި، ފިނޭންސްގެ ފަރާތުން އަހުމަދު ޒަޔާންގެ އިތުރުން މިނިސްްޓްރީ އޮފް އިކޮނޮމިކް ޑިވެލޮޕްމަންޓުގެ ފަރާތުން އަބުދުލް ހަލީމްއަބްދުލް ލަތީފެވެ.
Advertisement
This content is created and paid for by advertisers and does not involve Voice Journalists
