މި ސަރުކާރަކުން ދިވެހި ރައްޔިތަކަށް ލިބެމުން އަންނަ އެއްވެސް އެއްޗެއް ނުކަނޑާނޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އއ.މަތިވެރި ރައްޔިތުންނާ ބައްދަލުކުރެއްވުމަށް މިރޭ ބޭއްވި ޖަލްސާގައި ވާހަކަދައްކަވަމުން ރައީސް ޑރ.މުއިއްޒު ވިދާޅުވީ، ރައްޔިތުންނަށް މިހާރު ލިބެމުން އަންނަ އެއްވެސް އެއްޗެއް ނުކަނޑައި ސަރުކާރުން މަސައްކަތްކުރަމުންދަނީ ރައްޔިތުންނަށް ލިބޭ އެއްޗެއް އިތުރުކުރުމަށް ކަމަށެވެ. ރައީސް ވިދާޅުވީ، ސަރުކާރަކުން އެއްވެސް ރައްޔިތަކަށް ލިބެމުން އަންނަ އާސަންދައެއް، ރިޓަޔަމަންޓް ޕެންޝަނެއް އަދި ސަބްސިޑީއެއްވެސް ނުކަނޑާނޭ ކަމަށެވެ.
ރައީސް ވިދާޅުވީ ޕޭހާމަނައިޒޭޝަންގެ ތެރެއިން މިހާތަނަށް މުސާރަ ބޮޑުނުކުރެވިތިބި މުއައްޒަފުންގެ މުސާރަތައް ކުރިއަށްއޮތް އަހަރުތަކުގައި ބޮޑުކުރުމަށް ނިންމާފައިވާކަމަށެވެ. ރައީސް ވިދާޅުވީ ފައިސާ ޗާޕުނުކޮށް ރާއްޖެ ބަނގުރޫޓްވިޔަނުދީ އާމްދަނީ އާމްދަނީ އިތުރުކުރެވި އިގްތިސާދު ރަނގަޅުކުރުމަށް ހަރުދަނާ ފިޔަވަޅުތަކެއްވެސް އެޅިފައިވާކަމަށެވެ.
ރައީސް ވިދާޅުވީ ރައްޔިތަކަށް އެއްވެސް އެއްޗެއް އުނިނުކޮށް މިދިޔަ ދުވަސްތަކުގައި ނާޖާއިޒްގޮތުގައި އަދި ދައުލަތުގެ ބައިތުލްމާލުން ކުރަމުންދިޔަ ބޭކާރު ހަރަދުތައް ހުއްޓުވާލެވިފައިވާކަމަށެވެ.
ބޭހުގެ ވިޔަފާރީގެ ތެރޭގައި އުޅެމުންދާ އެތައްބަޔަކު އުޅޭ.އާސަންދައިގެ ތެރޭން އެތައްސަތޭކަ ޕަސެންޓެއްގެ ޕްރޮފިޓް ލާފައި ބޭސް ވިއްކަމުންދާ މީހުން އުޅޭ
ރައީސް ޑރ.މުއިއްޒު ވިދާޅުވިއެވެ.
އިގްތިސާދު ރީފޯމް ކުރުމުގެ މަސައްކަތް ކުރިއަށާްދާއިރު، ރައްޔިތުންނަށް އޭގެ ބުރަ ބޮޑުވިޔަނުދީ ސަރުކާރުން މަސައްކަތްކުރަމުންދާނީ ރައްޔިތުންނަށް ލާބަ އާއި މަންފާ އޭގެ އެންމެ ފުރިހަމަ ގޮތުގައި ފޯރުކޮށްދިނުމަށްކަމަށް ރައީސް ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists
