ފަތުރުވެރިއެއްގެ ގޮތުގައި ރާއްޖެ އައިސް، ވިޔަފާރި ހިންގަމުންދިޔަ ބިދޭސީއެއް އިއްޔެ ހައްޔަރުކޮށްފައިވާކަމަށް މޯލްޑިވްސް އިމިގްރޭޝަނުން މިއަދު ހާމަކޮށްފިއެވެ.
އިމިގްރޭޝަނުން ބުނީ، ފަތުރުވެރިންގެ ގޮތުގައި ރާއްޖެ އައިސް ވިޔަފާރި ހިންގުމުގެ އިތުރުން އާންމު ތަންތަނުގައި ދިރިއުޅެމުންދާ ބިދޭސީންގެ މައްސަލަތައް ރައްޔިތުންގެ ފަރާތުން ލިބެމުންދާ ކަމަށެވެ.
މިފަދަ މައްސަލަތަކަށް އަވަސް ފިޔަވަޅު އަޅަމުންދާ ކަމަށާއި، އެގޮތުން އިއްޔެ އެއް ފަރާތެއް ހައްޔަރުކުރެވުނު ކަމަށް އެ އިދާރާއިން ބުންޏެވެ.
"މިފަދަ ވީޒާ ޚިލާފު ޢަމަލުތައް އަޅުގަނޑުމެން ވަރަށް ބޮޑަށް ކުށްވެރިކުރަން. އަދި އެކަށީގެންވާ ފިޔަވަޅުތައް އަޅާނަން،" އިމިގްރޭޝަނުން ބުންޏެވެ.
މީގެ އިތުރުން، މިފަދަ ޙަރަކާތްތަކެއް ފާހަގަކުރެވިއްޖެނަމަ imuga.immigration.gov.mv/report-offence މެދުވެރިކޮށް ރިޕޯޓުކުރުމަށް އިމިގްރޭޝަނުން އެދެއެވެ.
ފަތުރުވެރިންގެ ވީޒާގައި ރާއްޖޭގައި ހުރެ ވިޔަފާރިކުރުމަކީ ޤާނޫނާ ޚިލާފު ކަމެކެވެ.
Advertisement
This content is created and paid for by advertisers and does not involve Voice Journalists
