ސަރުކާރުގެ މަސްކުންފުނި، މިފްކޯގެ އައު ސީއީއޯއަކަށް ފުރަތަމަ ފަހަރަށް ބޭރުގެ ބޭފުޅެއްކަމަށްވާ ޑރ. ވިޓާލީ ލުބިމޯވް ހަމަޖައްސައިފިއެވެ.
ޑރ.ވިޓާލީ އަކީ ސްވިޒަރލޭންޑަށް ނިސްބަތްވާ މީހެކެވެ. ސްޓްރެޓީޖިކް ކްރައިސިސް މެނޭޖްމެންޓުގެ ދާއިރާގެ ސްޕެޝަލިސްޓެއް ކަމަށްވާ ޑރ.ވިޓާލީ އަކީ އައްޔަނުކުރައްވާފައިމިވަނީ، މިފްކޯގެ ސީއީއޯގެ މަގާމު ހުސްވެފައި އޮންނަތާ ގިނަ ދުވަސްތަކަކަށްފަހުއެވެ. ޑރ.ވިޓާލީ ވަނީ ސްޓްރެޓީޖިކް ކްރައިސިސް މެނޭޖްމެންޓުގެ ދާއިރާއިން 20 އަހަރަށްވުރެ ގިނަ ދުވަހު ތަޖުރިބާ ހޯއްދަވާފައެވެ. މިފްކޯއަށް އައު ސީއީއޯއެއް އައްޔަނުކޮށްފައިމިވަނީ، ސީއީއޯއެއް ހޯދުމަށް ދެ ފަހަރެއްގެ މަތިން އިއުލާނުކުރިއެވެ.
ޕްރައިވަޓައިޒޭޝަން އެންޑް ކޯޕަރޭޝަން ބޯޑު (ޕީސީބީ) އިން ކުރި އިއުލާނުގައިވާ ގޮތުން އެ މަގާމުގެ މުސާރައިގެ ގޮތުގައި ކޮންމެ މަހަކު 12،000 ޑޮލަރު (185،040ރ.) އާއި 15،000 ޑޮލަރު (231،300ރ.) ދެމެދުގެ މުސާރައެއް ލިބޭނެ އެވެ. އެ މަގާމުގެ މުއްދަތަކީ ހަތަރު އަހަރެވެ.
މިފްކޯއަށް އައު ސީއީއޯއަކު އައްޔަނުކޮށްފައިމިވަނީ ކުރިން އެމަގާމުގައި ހުންނެވި އަހުމަދު ސަމާހު ރަޝީދު މަގާމުން ވަކިކުރުމަށްފަހުއެވެ. އޭނާ ވަކިކުރީ މިއަހަރުގެ މެއިމަހުގެ ތެރޭގައެވެ. ސަމާހު މަގާމުން ވަކިކޮށްފައިވަނީ އޭނާގެ މައްޗަށް ތުހުމަތުތަކެއްކޮށް ސަސްޕެންޑުވެސް ކުރުމަށްފަހުއެވެ.
Advertisement
This content is created and paid for by advertisers and does not involve Voice Journalists
