މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން ހުސްވެފައިވާ ދެ މެންބަރުގެ މަގާމަށް 12 ބޭފުޅެއްގެ ނަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރައްޔިތުންގެ މަޖިލީހަށް ހުށަހަޅުއްވައިފި އެވެ.

ބްރޯޑްކޮމްގެ މެންބަރުންގެ ގޮތުގައި ތިއްބެވި، ގ. ހިލްމަން، މަރިޔަމް ވަހީދާ އާއި ޅ. ހިންނަވަރު، ބާރަނާ، އަލީ ޔޫސުފުގެ މެންބަރުކަމުގެ މުއްދަތު މިމަހުގެ ފަސް ވަނަ ދުވަހަށް ހަމަވެފައިވާއިރު، އެ މަގާމަށް ކުރިމަތިލުމަށް އިއުލާނުކުރުމުން އެކަމަށް އިޖާބަ ދެއްވި ބޭފުޅުންގެ ތެރެއިން އެ މަގާމަށް ޝަރުތު ހަމަވާ ބޭފުޅުންގެ ނަންފުޅާއި އެ ބޭފުޅުންގެ މައުލޫމާތު އެ މަގާމުތަކަށް އައްޔަންކުރުމަށް އިސްކަންދޭ ތަރުތީބުން ވަނީ މަޖިލީހަށް ހުށަހަޅުއްވާފަ އެވެ.

އެގޮތުން ރައީސް މުޢިއްޒު ފޮނުއްވި ސިޓީ، މިއަދުގެ މަޖިލީހުގައި އިއްވާފައިވާއިރު، އެ ސިޓީގައި އިސްކަންދެއްވާފައިވާ ތަރުތީބަކީ؛ 

1) އިހަވަންދޫ ދާއިރާގެ ކުރީގެ މެންބަރު މުހައްމަދު އަބްދުالله (މުހައްމާ)، އުސްއަކުރުގެ، ހއ. އިހަވަންދޫ

2) އިބްރާހީމް މުއާޒު އަލީ، ހަޒާރުމާގެ، ނ. ފޮއްދޫ

3) އިބްރާހީމް އަޝްރަފް، ވ. މަށިވެލި

4) ލެފްޓިނެންޓް ކާނަލް ރިޓަޔަޑް ޒުބައިރު އަހުމަދު މަނިކު، ގ. މަލްވިނަ

5) އަބްދުالله ހުމައިދު، ފަޒާ، ޅ. ހިންނަވަރު

6) އާއިޝަތު ދިޔާނާ ތޯހިރު، ސެވަން ސްޓާ، ސ. ހިތަދޫ

7) އައިމިނަތު ސަރާހަތު އިއްޒަތު، ގ. ގޮފި

8) ޝިމްލާ އަހުމަދު، އާސްޓްރަލްގެ، ސ. ހިތަދޫ

9) އިސްމާއީލް ޝަފީގު، މ. ސްލީޓް

10) ޝިފްޒާ މުސްތަފާ، މާދަނޑު، އާސާނު، ޏ. ފުވައްމުލައް

11) އަލީ ނިޝާން، ގ. ކޫލް ގްރާސް

12) މުހައްމަދު ޝަމީމް، ހ. ޕްރިޓީ ވިލާ

މި މައްސަލަ ދިރާސާކުރަން ވަނީ މަޖިލީހުގެ މިނިވަން މުއައްސަސާތަކުގެ ކޮމިޓީއަށް ފޮނުވާފަ އެވެ.