ޓޫރިޒަމް ވިޔަފާރިތަކުން ބޭރުފައިސާ މާރުކުރަންޖެހޭގޮތަށް ސަރުކާރުގެ ފަރާތުން މަޖިލީހަށް ހުށަހެޅި ބިލް، މަޖިލީހުގެ ތަޅުމުން މިއަދު ފާސްކޮށްފިއެވެ.
މަޖިލީހުން މި ބިލް ފާސްކުރީ ޖަލްސާގައި ބައިވެރިވެ ވަޑައިގެންނެވި މެމްބަރުންގެ ތެރެއިން 56 މެމްބަރުންގެ ވޯޓުންނެވެ. ސަރުކާރުގެ ފަރާތުން މި ބިލް މަޖިލީހަށް ހުށަހެޅީ، އިނގުރައިދޫ ދާއިރާގެ މެމްބަރު އިބްރާހިމް ފަލާހެވެ. މި ބިލް މަޖިލީހުގެ މާލިއްޔަތު ކޮމިޓީން ފާސްކުރީ އިއްޔެއެވެ.
މި ބިލް ދިރާސާކުރުމުގެ މަސައްކަތުގެ ތެރެއިން އިއްޔެ ވަނީ މަތީގެ ބޭފުޅުންނާވެސް ބައްދަލުކޮށް އެފަރާތްތަކުގެ ރައުޔުވެސް ހޯދާފައެވެ. މަޓީން ހުށަހަޅާފައިވަނީ، މާރުކުރުން މަޖުބޫރުވާ އަދަދު އެންމެ މަތިވެގެން 15 އިންސައްތައިގަ ބެހެއްޓުމަށެވެ. ނަމަވެސް މާލިއްޔަތު ކޮމިޓީން ބިލް ފާސްކުރިއިރު މަޓީން ދިން ރައުޔު ހިމަނާފައެއް ނުވެއެވެ.
ބިލަށް ގެނައި ފާހަގަކޮށްލެވުނު އެއް އިސްލާހަކީ ބޭރުފައިސާ މާރުކުރަން ޖެހޭ އުމުރުފުރާ 10 އަހަރުން 12 އަހަރަށް ދަށްކުރުމެވެ.
އަދި ރިސޯޓެއްގެ މާލީހާލަތު ދަށްނަމަ ބޭރުފައިސާގެ ގޮތުގައި ލިބޭ އާމްދަނީ މާރުކުރަންޖެހޭ ނިސްބަތް 20 އިންސައްތައަށްވުރެ ދަށުން މާރުކުރުމުގެ ފުރުސަތު ކަނޑައެޅިފައިވާ އުސޫލްތަކުގެ ދަށުން ދިނުން ހިމެނެއެވެ.
Advertisement
This content is created and paid for by advertisers and does not involve Voice Journalists
