އިއްޔެ ކޮންސްޓްރަކްޝަން މިނިސްޓްރީ ހިންގާ އިމާރާތުގައި ހިނގި އަލިފާނުގެ ހާދިސާއާ ގުޅިގެން މޯލްޑިވްސް ނޭޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ) އިން އެ މިނިސްޓްރީއަށް ވެވެން އޮތް ހުރިހާ އެހީތެރިކަމެއް ފޯރުކޮށްދޭނެ ކަމަށް ބުނެފިއެވެ.

މި ހާދިސާގައި ކޮންސްޓްރަކްޝަން މިނިސްޓްރީގެ އިތުރުން ހައުސިންގ މިނިސްޓްރީ އަދި އެހެނިހެން ސަރުކާރުގެ އިދާރާތައް ހިންގާ އިމާރާތަށް ގެއްލުން ލިބިފައިވެއެވެ.

މިކަމާ ގުޅިގެން، މަސީ އިން ނެރުނު ބަޔާނެއްގައި ވަނީ، މި ހާދިސާގައި އެއްވެސް މީހަކަށް އަނިޔާއެއް ނުވާކަން ފާހަގަކޮށް، ކުއްލި ހާލަތުގައި އެހީތެރިވި ފަރާތްތަކަށް ޝުކުރު އަދާކޮށްފައިވެއެވެ.

"ކޮންސްޓްރަކްޝަން މިނިސްޓްރީއަކީ އަޅުގަނޑުމެންގެ މުހިންމު ސިނާޢަތާ ގުޅުންހުރި ސަރުކާރުގެ އިދާރާ. މި ހާދިސާއާ ގުޅިގެން ސިނާޢަތުގެ މަސައްކަތްތަކަށް ދިމާވެދާނެ ގޮންޖެހުންތަކާމެދު އަޅުގަނޑުމެން ކަންބޮޑުވަން. މި ދަތި ވަގުތުގައި އަޅުގަނޑުމެން މިނިސްޓްރީއާއެކު ތިބޭނެކަން ޔަގީންކޮށްދެން. މިނިސްޓްރީ ހުރިހާ ގޮތަކުން އެހީވާނަން" މަސީގެ ބަޔާނުގައި ބުނެފައިވެއެވެ.

މީގެ އިތުރުން، މިނިސްޓްރީގެ މުހިންމު މަސައްކަތްތައް ކުރިއަށް ގެންދިއުމަށް އެހީތެރިވުމަށާއި، މި ހާދިސާގެ ސަބަބުން މުޖުތަމަޢުއަށް ކުރާނެ އަސަރު ކުޑަކުރުމަށް މަސައްކަތްކުރާނެ ކަމަށް މަސީން ބުނެފައިވެއެވެ. 

އަދި ދިވެހިރާއްޖޭގެ އިމާރާތްކުރުމުގެ ސިނާޢަތު ކުރިއެރުވުމަށް މަސައްކަތްކުރާނެ ކަމަށާއި، މިނިސްޓްރީއަށް އަލުން އިމާރާތް ކުރުމަށް މަސީގެ ފުރިހަމަ އެއްބާރުލުން ލިބޭނެ ކަމަށްވެސް ބަޔާނުގައި ބުނެފައިވެއެވެ.