އެންޓި ކޮރަޕްޝަން ކޮމިޝަން (އޭސީސީ) ގެ މެމްބަރުކަމަށް ކުރިމަތިލުމުގެ ފުރުސަތު ރައީސުލްޖުމްހޫރިއްޔާގެ އޮފީހުން އަނެއްކާވެސް  ހުޅުވާލައިފިއެވެ.

ރައީސް އޮފީހުން ވަނީ މިހިނގާ ޑިސެމްބަރުމަހުގެ 8 ވަނަ ދުވަހުވެސް ހުސްވެފައިވާ އޭސީސީގެ ދެ މެމްބަރުކަމަށް ކުރިމަތިލާން އެދޭ ފަރާތްތަކަށް އެފުރުސަތު ހުޅުވާލާފައެވެ. މެންބަރުކަމަށް އެދި ހުށަހެޅުމުގެ ފުރުޞަތު ހުޅުވާލައްވާފައިވަނީ މިއަދުން ފެށިގެން މިމަހުގެ 31 ވަނަ ދުވަހުގެ ނިޔަލަށެވެ. ރައީސް އޮފީހުން ބުނީ، އޭސީސީގެ މެންބަރުކަމަށް ކުރިމަތިލުމަށް އެދި ހުށަހަޅާ ފޯމު ބަލައިގަތުމަށް ހަމަޖެހިފައިވަނީ، ރަސްމީ ބަންދު ދުވަސްތައް ފިޔަވައި، އެހެން ދުވަސްދުވަހުގެ ހެނދުނު 08:30 އިން 12:00 އަށް ރައީސުލްޖުމްހޫރިއްޔާގެ އޮފީހުން ކަމަށެވެ.

އޭސީސީގެ މެމްބަރުންގެ ތެރެއިން އެންމެފަހުން އިސްތިއުފާދެއްވާފައިވަނީ، ސަލާމާއި ތޯހާ އެވެ. އެ ދެ މެމްބަރުން އިސްތިއުފާދެއްވާފައިވަނީ ރައްޔިތުންގެ މަޖިލީހުގެ ތެރެއިން ދެ ދެ މެމްބަރުން މަގާމުން ވަކިކުރުމުގެ މަސަައްކަތް ކުރިއަށްގެންދިއުމަށް މަސައްކަތްކުރަނިކޮށެވެ. އެގޮތުން މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ވަނީ ތޯހާ އާއި ސަލާމް މަގާމުން ވަކިކުރުމަށް ފާސްކޮށްފައެވެ.

Advertisement

ރައްޔިތުންގެ މަޖިލީހުން އެ ދެ ބޭފުޅުން މަގާމުން ވަކިކުރުމުގެ މަސައްކަތް ފަށާފައިވަނީ މަގާމުގެ ނުހައްގު ބާރުތައް ބޭނުންކޮށްގެން ކޮރަޕްޝަނަށް މަގުފަހިވާގޮތަށް ބައެއް ކަންކަން ކުރުމުގެ ތުހުމަތުގައެވެ.