ފަޒީލް އާއި ފަޒުލް ހިމެނޭހެން 20 މީހެއްގެ ޕާސްޕޯޓް ހިފަހައްޓައިފިއެވެ. 

އެޗްޑީސީގެ މެނޭޖިންގ ޑިރެކްޓަރ ފަޒުލް ރަޝީދުގެ އެއްބަނޑު އެއްބަފާ ބޭބެ އަދި އެމްޑަބްލިޔުއެސްސީގެ ޑެޕިޔުޓީ މެނޭޖިން ޑިރެކްޓަރ ފަޒީލް ރަޝީދު ހިމެނޭ ގޮތަށް ބަޔަކަށް ބިންވެރިޔާ ސްކީމްގެ ބޭރުން ހުޅުމާލެއިން ގޯތިތަކެއް ދޫކުރި މައްސަލައިގެ ޖިނާޢީ ތަހުގީގެއް ފުލުހުން ވަނީ ފަށާފައެވެ. 

އަދި އެއާއެކު މިހާރުވަނީ، އެ މައްސަލާގައި އެންމެ ބޮޑަށް ތުހުމަތުވާ މީހުންގެ ތެރޭގައި ހިމެނޭ ފަޒުލް ރަޝީދާއި، ފަޒީލް ރަޝީދު ހިމެނޭހެން، ހައުސިން މިނިސްޓްރީއާ، އެޗްޑީސީގެ ގިނަ ވެރިންތަކެއްގެ ޕާސްޕޯޓް ހިފަހައްޓާފައިވެ އެވެ.

ނަމަވެސް ދެން ޕާސްޕޯޓް ހިފަހައްޓާފައިވާ މީހުންގެ މައުލޫމާތެއް އަދި ކަށަވަރެއްނުވެ އެވެ.

ލިސްޓުގައި ނެތީސް ގޯތި ދިން މައްސަލާގައި، އެޗްޑީސީގެ ބޯޑުގެ ޗެއަރމަން ފިޔަވައި، އެ ކުންފުނީގެ މެނޭޖިންގ ޑިރެކްޓަރު، ފަޒުލް ރަޝީދާއި އެހެން ހުރިހާ މެންބަރުންވެސް ވަނީ ތަޙްްޤީޤު ނިމެންދެން ސަސްޕެންޑް ކޮށްފައެވެ.

އަދި އެފަހުން، ފަޒީލްވެސް ސަސްޕެންޑް ކޮށްފައިވާއިރު، އެޗްޑީސީގެ ސީނިއާ ތިން މުވައްޒަފުން ކަމަށްވާ، އައިޓީ ކޮންސަލްޓެންޓް އަބްދުالله ޝުހޫދާއި ޗީފް ފައިނޭންޝަލް އޮފިސަރު އަބްދުالله ފާއިދާއި ޗީފް ބިޒްނަސް އޮފިސަރު އަދި މީޑިއާ ޑިޕާޓްމެންޓްގެ ހެޑް އަހުމަދު ޔާމީން އަދި ރިއަލްއެސްޓޭޓް ޑެޕިއުޓީ ޑިރެކްޓަރު އަހުމަދު އައިމަން ވެސް މިހާރު ވަނީ ސަސްޕެންޑްކޮށްފަ އެވެ.