ކ.ގުރައިދޫގައި ނިޔާވި އުމުރުން 4 މަހުގެ ކުއްޖާގެ ހަށިގަނޑު ޕޯސްޓްމޯޓަމް ހެދުމަށްފަހު ރާއްޖެ ގެނެސް، ކުއްޖާ މިއަދު ވަޅުލައިފިއެވެ.

ކުއްޖާގެ ޖަނާޒާގެ ކަންކަން ބާއްވާފައިވަނީ މިއަދު އަސުރު ނަމާދަށްފަހު ހުޅުމާލޭ ސަރަހާގައެވެ. ޕޯޓްސްމޯޓަމް ހެދުމަށް ކުއްޖާގެ ހަށިގަނޑު އިންޑިއާއަށް ފޮނުވާފައިވަނީ މިމަހުގެ 18 ވަނަ ދުވަހުއެވެ. 

ކުއްޖާގެ މަރުގެ މައްސަލަ ތަހުގީގުކުރަން ޖެހުނީ ޝައްކުކުރެވޭ ކަންތައްތަކެއް ހުރުމުން ކަމަށް ފުލުހުން ވަނީ ބުނެފައެވެ. ތުއްތު ކުއްޖާ މަރުގެ މައްސަލަ ފުލުހުންގެ ސަމާލުކަމަށް އައިސްފައިވަނީ، މިމަހުގެ 13 ވީ ހުކުރުދުވަހުގެ ދަންވަރުގެ ވަގުތެއްގައި އެކުއްޖާ ހޮސްޕިޓަލަށް ގެނައި ހިސާބުންނެވެ. 

ވޮއިސްއަށް މައުލޫމާތު ލިބިފައިވާ ގޮތުގައި އެކުއްޖާގެ މަރުގައި ފާހަގަކުރެވޭ ކަންތައްތަކެއް ހުރުމުން ފުލުހުންގެ ސަމާލުކަމަށް ގެނެސްފައިވަނީ ކުއްޖާ ބެއްލެވި ޑޮކްޓަރެވެ. އެ ކުއްޖާ ހޮސްޕިޓަލަށް ގެނައި އިރުވެސް އޮތީ ނިޔާވެފައެވެ.

ނުޖެހުމަށް ޝަރުތުކޮށް ވޮއިސްއާ ވާހަކަދައްކަމުން އެރަށު މީހަކު ބުނީ ކުއްޖާގެ ނޭފަތުންވެސް ލޭ އައިސްފައި ހުރިކަމަށެވެ. ކުއްޖާ ހިނެވުމުގެ މަސައްކަތް ކުރިއަށްގެންދަން އުޅުނު ނަމަވެސް އެކަން ނުވީ، ކުއްޖާ މަރުގެ މައްސަލަ ބަލުމަށް ހަށިގަނޑު މާލެގެންދަންޖެހޭކަމަށް ފުލުހުން ބުނުމުންކަމަށްވެސް އޭނާ ބުންޏެވެ.