ފުވައްމުލަކު ކައިރިން ސޯމާލިއާއަށް ނިސްބަތްވާ މީހުންތިބި ޑިންގީއެއް ކޯސްޓްގާޑުގެ ބެލުމުގެ ދަށަށް މިއަދު ގެންގޮސްފިއެވެ.
މިކަމާއި ގުޅިގެން އެމްއެންޑީއެފުން ބުނީ، ފުވައްމުލަކު ސިޓީ ހުޅަނގު އުތުރުން 10 ވަރަކަށް މޭލު ބޭރުން ޝައްކު ކުރެވޭ ޑިންގީއެއް ފެނުމާއި ގުޅިގެން އެމްއެންޑީއެފް ސަދަން އޭރިއާ ކޮމާންޑް، ކޯސްޓްގާޑު ފޯތު ސްކޮޑްރަންގެ ހާބަރ ޕެޓްރޯލުން އެ ސަރަހައްދަށް ގޮސް އެ ޑިންގީ ކޯސްޓްގާޑް ގެ ބެލުމުގެ ދަށަށް ގެނެސްފައިވާކަމަށެވެ.
އެ ސަރަހައްދަށް ގޮސް ބެލިބެލުމުން އެނގުނުގޮތުގައި އެއީ ސޯމާލިއާގެ މީހުން ބޭނުންކުރާ ވައްތަރުގެ "ސްކިފް" އެއްކަމަށާއި، އެ ޑިންގީގައި ސޯމާލިއާ މީހުން ކަމަށް ޝައްކު ކުރެވޭ 3 މީހުން ތިބިކަމަށް އެމްއެންޑީއެފުން މައުލޫމާތުދެއެވެ.
ސޯމާލިއާ މީހުންގެ ޑިންގީ. ފޮޓޯ: އުމަރު
މި ޑިންގީ މިހާރު އޮތީ ފުވައްމުލަކު ބަނދަރުގައި ފުލުހުންގެ ބެލުމުގެ ދަށުގައެވެ.
މިއާއިއެކު، ފުލުހުން މީޑިއާތަކަށް ފޮނުވި މެސެޖެއްގައި ބުނީ، ސޯމާލިއާ ބަޔަކު ފުވައްމުލަކަށް ގެނެވިފައިވާތީ ފުލުހުން ހަރަކާތްތެރިވަމުންދާ ކަމަށެވެ.
Advertisement
This content is created and paid for by advertisers and does not involve Voice Journalists
