އައު އަހަރާ ދިމާކޮށް ފުލުހުންގެ ހާއްސަ އޮޕަރޭޝަނެއް ކުރިއަށްގެންދިއުމަށް ނިންމައިފިއެވެ.
މިކަމާ ގުޅޭގޮތުން ފުލުހުން ބުނީ، އައު އަހަރާ ދިމާކޮށް ބަނގުރާ އަދި މަސްތުވާތަކެތި ވިއްކުމާއި، ވިޔަފާރިކުރުން އިތުރުވެގެންދާނޭ ކަމަށް ބެލެވޭތީވެ، ޑްރަގް އެންފޯސްމަންޓާއި ހުޅުމާލެ ޕޮލިހާއި މެރިން ޕޮލިސް އަދި ކ.އަތޮޅު ޕޮލިސް ސްޓޭޝަން ގުޅިގެން އިއްޔެ ހާސްސަ އޮޕަރޭޝަނެއް ފަށާފައިވާކަމަށެވެ.
މި އޮޕަރޭޝަނުގައި ހުޅުމާލެ ފަޅުތެރެ ޕެޓްރޯލްކުރުމާއި ރަށުތެރެއަށް ބަނގުރަާ އަރުވައި، ބަނގުރާ ވިއްކުމަށް ޝައްކުކުރެވޭ ކެފޭ، ރެސްޓޯރެންޓުތައް މޮނީޓަރކޮށް ޤާނޫނާއި ޤަވާއިދާ ހިލާފްވާ ފަރާތްތަކާމެދު ވިޔަވަޅު އެޅުމުގެ މަސައްކަތް ކުރަމުންގެންދާނޭކަމަށް ފުލުހުން ވަނީ ބުނެފައެވެ. އައު އަހަރާ ދިމާކޮށް ކޮންމެ އަހަރަކުވެސް ފުލުހުން މި އޮޕަރޭޝަން ކުރިއަށްގެންދެއެވެ.
މިގޮތުން މީގެކުރީ އަހަރުތަކުގައި ކުރިއަށްގެންދިޔަ އޮޕަރޭޝަންތަކުގައި ގިނަ އަދަދެއްގެ މީހުން ހައްޔަރުކޮށްފައިވާކަން ފާހަގަކޮށްލެވެއެވެ. މީގެ ތެރޭގައި މާލެއާއި އަތޮޅުތެރޭގެ ރަށްތައްވެސް ހިމެނެއެވެ.
Advertisement
This content is created and paid for by advertisers and does not involve Voice Journalists
