ރ. ފައިނުގައި އަކިރި ނަގަން ގޮސް އުޅުނު 24 އަހަރުގެ ޒުވާނަކަށް "މާވަހަރެއް" ހޮވިއްޖެ އެވެ.
މިދިޔަ ހުކުރު ދުވަހު، މަސައްކަތެއް ކުރަން ބޭނުންވާ އަކިރި ހޮވަމުން ދަނިކޮށް އެ ޒުވާނާއަށް މި މާވަހަރު ފެނިފައިވަނީ ގޮނޑުދޮށަށް ލައްގާފައި އޮއްވާ ކަމަށް އޭނާ ބުންޏެވެ.
މި “މާވަހަރު“ ގެ ބަރުދަނުގައި ގާތްގަނޑަކަށް އެއް ކިލޯ ހުރި އިރު، އެއީ މާވަހަރެއް ކަން، ޔަގީން ކުރުމަށް ކުރިން އެފަދަ ކަންކަމުގައި އުޅުނު މީހުންނަށް ދައްކާފައިވާ ކަމަށާ އެމީހުންވެސް އެއީ މާވަހަރެއްކަން ކަށަވަރު ކޮށްދީފައިވާ ކަމަށް އޭނާ ބުންޏެވެ.
އަދި މިހާރު އޭތި ވަނީ އާއިލާ މީހެއްގެ ހަވާލުގައި މާލެ ފޮނުވާފައި ކަމަށާ، މާވަހަރެއްކަން ޔަގީން ކުރުމަށް ބޭރަށް ފޮނުވައިގެން ނަމަވެސް ޓެސްޓު ކުރެވޭނެ ގޮތެއް ވޭތޯ ބަލަމުން އަންނަ ކަމަށް އޭނާ ބުނެފައިވެއެވެ.
Advertisement
This content is created and paid for by advertisers and does not involve Voice Journalists
