މާލޭގެ މަގުމަތިން ރޭގައި މީހަކު ހައްޔަރުކުރާ މަންޒަރުގެ ފޮޓޯ ނެގި ނޫސްވެރިއެއްގެ ފޯނުން އެ ފޮޓޯ ޑިލީޓް ކުރުވި މައްސަލައެއް ފުލުހުން ބަލަން ފަށައިފި އެވެ.
ރޭ ގާތްގަނޑަކަށް 8:26 ހާއިރު މާލޭގެ މަގުމަތީގައި މީހަކު ހައްޔަރު ކޮށްގެން އުޅޭތީ އެ ތަނުގެ ފޮޓޯ ނަގަން ދިޔަ، "އަސްލު ޓީވީ" ގެ ނޫސްވެރިޔާ ޝާމާ ޝުއައިބު ވަނީ، އޭނާ ޕްރެސް ކާޑު ވެސް ހިފައިގެން އެ މަންޒަރުގެ ފޮޓޯ ނެގުމުން ފުލުހުން އައިސް އެ ފޮޓޯ ޑިލީޓް ކުރުވި ކަމަށް ބުނެ މީސްމީޑިއާގައި ކަންބޮޑުވުން ފާޅުކޮށްފައެވެ.
އަދި ޕްރެސް ކާޑު ދެއްކުމުން ވެސް "ގަދަ ދައްކާލީ" ފޮޓޯ ޑިލީޓް ކުރުވަން ކަމަށާ، އެ ނޫސްވެރިޔާ ”ހައްޔަރުކުރާ ހިސާބަށް ދިޔުމުން“ ފޮޓޯ ޑިލީޓް ކުރި ކަމަށް އޭނާ ބުންޏެވެ.
”މިއީ ކޮން އުސޫލެއް، ކޮން ހަމައެއް ކަމެއް ބުނެ ނުދެވުނު އެ އޮފިސަރަކަށް،" އެ ނޫސްވެރިޔާ ލިޔެފައިވެ އެވެ.
މިކަމާއި ގުޅިގެން ފުލުހުންގެ މީޑިއާ ގުރޫޕް ތެރޭގައިވެސް ނޫސްވެރިން ކަންބޮޑުވުން ފާޅުކޮށްފައިވާއިރު، އެ މައްސަލާގައި ފުލުހުންގެ ތަރުޖަމާނު އަހުމަދު ޝިފާން ރޭ ވިދާޅުވީ ކުށުގެ ވެށީގައި ފުލުހުން ހަރަކާތްތެރިވާއިރު އެ ތަނެއްގައި ފުލުހުން ކުރަމުންދާ މަސައްކަތަކީ އެހާލަތުގައި، ހުރިހާ އެންމެންވެސް، އެންމެ އިސްކަންދޭން ވާނެ ކަންތައް ކަމަށެވެ.
އަދި ކޮންމެ ޙާލަތެއްގައިވެސް ނޫސްވެރިންނަށް ކަނޑައެޅޭ ހިސާބެއްގައިތިބެ މަންޒަރާއި މަޢުލޫމާތު ރައްޔިތުންނާއި ހަމައަށް ގެނަސްދިނުމަށް ދެވެން އޮތް އެންމެ ފުޅާ ފުރުޞަތެއް ފުލުހުންވެސް ދޭންވާނެކަމަށް ދެކޭ ކަމަށްވެސް ވިދާޅުވިއެވެ.
ނޫސްވެރިޔާ ރައްދުކޮށްފައިވާ ޙާލަތަކީ ފުލުހެއްގެ ނުވަތަ ފުލުހުން ތަކެއް ޢަމަލުކޮށްފައިވާ ގޮތާއިމެދު ހުށަހަޅުއްވާފައިވާ ޝަކުވާއެއް ކަމަށް ޤަބޫލްކުރާތީ އެގޮތަށް ޢަމަލުކޮށް، އެކަން އިތުރަށް ބެލުމަށް ފުލުހުންގެ ޕްރޮފެޝަނަލް ސްޓެންޑަރޑްސް ކޮމާންޑާއި ހިއްސާކުރާނެ ވާހަކަ ދަންނަވަން.
އަހުމަދު ޝިފާން
ފުލުހުންގެ ބެލުމުގެ ރޭ ގެންދިޔައީ ގދ. ގައްދޫ، މުހައްމަދު އަޒްހާމް ސައީދެވެ. އެއީ ބަނގުރަލުގެ ވިޔަފާރި ކުރާ ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްގެ ތެރެއިން މަޖީދީ މަގުން ހުއްޓުވައި ބަލައި ފާސްކޮށް، ހައްޔަރުކުރި މީހެކެވެ.
Advertisement
This content is created and paid for by advertisers and does not involve Voice Journalists
