މަހެއްހާ ދުވަހުގެތެރޭގައި އިއްޒުއްދީން ފާލަމުގެ މަސައްކަތް ނިމި ބޭނުންކުރަން ފެށޭނެކަމަށް އިމާރާތްކުރުމާއި ގެދޮރުވެރިކަމާއި ބިނާރާބެހޭ ވަޒީރު ޑރ.އަބްދުﷲ މުއްތަލިބް ވިދާޅުވެއްޖެއެވެ.

ފާލަމުގެ މަސައްކަތް ކުރިއަށްދާ ގޮތް ބައްލަވާލެއްވުމަށްފަހު، ދައުލަތުގެ މީޑިއާ ޕީއެސްއެމަށް ދެއްވި ބަސްދީގަތުމެއްގައި ވަޒީރު މުއްތަލިބް ވިދާޅުވީ، ކުރިން އޮތް ފާލަން ރޫޅާލަން އެންގީ ފާލަމަށް ވަރަށް ބޮޑަށް ގެއްލުންތަކެއްވެ، ރައްޔިތުންނަށް ގެއްލުންތަކެއް ވެދާނެތީ ކަމަށެވެ.

މަސައްކަތް ނުފެށި ލަސްތަކެއްވީނަމަވެސް މިހާރު ބާރު ސްޕީޑުގައި މަސައްކަތް ކުރިއަށްދާކަމަށް ވަޒީރު ވިދާޅުވިއެވެ.

Advertisement

މިއީ މާލޭގެ މަލަމަތިކަމަށްވެފައި، ފާލަން އެގޮތަށް ބަންދުކޮށްފައި ބޭއްވުމަކީ އަރާފައިބާ މީހުންނަށްވެސް ފާހަގަކުރެވޭ ކަން ފާހަގަކުރައްވާ ވަޒީރު ވިދާޅުވީ، ސަރުކާރުން ވަރަށް ބޮޑަށް ބަރުއަޅައިގެން މަސައްކަތް ބާރަށް ކުރިއަށްދާކަމަށާއި، މަހެއްހާ ދުވަހުގެ ތެރޭގައި މަސައްކަތް ނިންމާ ފާލަން ހުޅުވާލެވޭނެކަމަށް އުންމީދުކުރައްވާކަމަށެވެ.

ޑިޒައިން އެންޑް ބިލްޑް އުސޫލުން އްޒުއްދީން ފާލަން އަލުން ތަރައްޤީކުރުމަށް އެމްޓީސީސީ އާއި މިދިޔަ އަހަރު ހަވާލުކުރި ނަމަވެސް، އެކަށީގެންވާ ސްޕީޑުގައި ކުރިއަށްގޮސްފައެއް ނުވެއެވެ.