ދެ ކްރޫޒްލައިނާއެއްގެ 4،658 ޕަސެންޖަރުންނަށް އިމިގްރޭޝަނުން ކްލިއަރެންސް ދީފިއެވެ.

އިމިގްރޭޝަނުން އެކްސްގައި ކުރި ޕޯސްޓެއްގައި ބުނީ، އެއީ "އޯޝޭނިއާ ރިވިއާ" އާއި "ނޯވިއަން ސްކައި" ކަމަށެވެ.

މިގޮތުން އިމިގްރޭޝަނުން ބުނީ، މީގެ ތެރެއިން "ނޯވިއަން ސްކައި" އިން 1,870 ޕަސެންޖަރުންނާއި 862 ކްރޫ މެމްބަރުންނަށް ކްލިއަރެންސް ދީފައިވާކަމަށެވެ.

Advertisement

ހަމައެއާއިއެކު، "އޯޝޭނިއާ ރިވިއާ" ގެ 1,179 ޕަސެންޖަރުންނާއި 747 ކްރޫ މެމްބަރުންނަށް ކްލިއަރެންސް ދީފައިވާކަމަށް އިމިގްރޭޝަނުން ބުނެއެވެ.

އިމިގްރޭޝަނުން ހާމަކުރި ގޮތުގައި،  އެ އިދާރާގެ ސީޕޯޓް ޑިވިޒަންގެ އޮފިސަރުން މި މަސައްކަތް ކުރިއަށް ގެންގޮސްފައިވަނީ ނިމިދިޔަ މަހުގެ 23 އިން 30 އަށް ކަމަށެވެ.

 މާޝަލް އައިލެންޑްސްގައި ރަޖިސްޓްރީކޮށްފައިވާ ކްރޫޒްލައިނާ "އޯޝޭނިއާ ރިވިއާ"  އެއްދުވަހަށް މާލެ ކައިރީގައި މަޑުކުރިއިރު، 2،000 އަށް ވުރެ ގިނަ މީހުންގެ ޖާގަ އޮންނަ ކްރޫޒްލައިނާ ދެން ދަތުރުކުރާނީ ސްރީ ލަންކާގެ ކޮލަމްބޯއަށް ދިއުމަށެވެ. 

މިއާއިއެކު، ބަހާމަސްގައި ރަޖިސްޓްރީކޮށްފައިވާ "ނޯވިއަން ސްކައި" ގެ އެޖެންޓް މަޔާ މޯލްޑިވްސް އިން އެކްސްގައި ކުރި ޕޯސްޓެއްގައި ބުނީ އެ ކްރޫޒްލައިނާ ރާއްޖެ އައީ ދެ ދުވަހަށް ކަމަށެވެ.