ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ޚިދުމަތްދޭ ސިޓީތަކާއި ރަށްރަށުގެ ކުނި އުކާލާ އަމިއްލަ އުޅަނދުތަކުން ނަގާ ގޭޓް ފީ ކުޑަކޮށްފިއެވެ.

ވެމްކޯއިން ބުނީ،  އެ ކުންފުނިން ޚިދުމަތް ދެމުންދާ ސިޓީތަކާއި ރަށްރަށުގައި ފޯރުކޮށްދޭ ޚިދުމަތްތަކުގެ ތެރެއިން، ކުނި މެނޭޖްކުރާ މަރުކަޒުތަކަށް ކުނި އުކާލާ ފަރާތްތަކުން ނަގާ ގޭޓުފީއަށް ބަދަލު ގެނެސްފައިވާކަމަށެވެ.

މިގޮތުން، އަމިއްލަ ފަރާތްތަކުން ގޭޓުފީގެގޮތުގައި ނެގުމަށް ހަމަޖެހިފައިވާ އަގުކުޑަކޮށްފައިވާއިރު، ވެމްކޯއިން ހާމަކުރި ގޮތުގައި، މިއަދުން ފެށިގެން ކުނި އުފުލާ އުޅަނދުގެ ރަޖިސްޓަރީކުރެވިފައިވާ ބަރުދަނަށް ބަލައި، ޓަނަކަށް 212 ރުފިޔާގެ ބަދަލުގައި ޓަނަކަށް 106 ރުފިޔާ ނެގުމަށް އެކުންފުނިން ވަނީ ނިންމާފައެވެ.

Advertisement

ވެމްކޯއިން މާލެ ސަރަޙައްދުގެ އިތުރުން ސިޓީތަކާއި ލ. ފޮނަދޫއާއި ކ. މާފުށްޓާއި ހިންމަފުށީގައިވެސް ހިދުމަތް ފަށާފައިވާއިރު، ވެމްކޯއިން ޚިދުމަތްދެމުންއަންނަ ރަށްރަށުގެ ގޭބިސީތަކުގެ ކުނި ބިލް، މިމަހުން ފެށިގެން ކަރަންޓު ބިލުގައި ހިމަނައިގެން އަގުނެގުމަށް ނިންމާފައިވާކަން ފާހަގަކޮށްލަން ޖެހެއެވެ.