Advertisement

ވ.އަތޮޅުން ފެށިގެން ދ.އަތޮޅަށް "ޔެލޯ އެލާޓް" ނެރެފި

ވިއްސާރަ ދުވަހެއްގައި ޑިންގީއެއް ދުއްވާފައިދަނީ..

މޫސުން ގޯސްވާނޭކަމަށް ލަފާކޮށް ދ.އަތޮޅުން ފެށިގެން ވ.އަތޮޅާ ހިސާބަށް ޔެލޯ އެލާޓް ނެރެފިއެވެ.

މޫސުމާ ބެހޭ ޤައުމީ އިދާރާއިން ބުނީ މިރޭ 20:15 އިން ފެށިގެން 00:30 އާ ހަމަޔަށް، ދ.އަތޮޅުން ފެށިގެން ވ.އަތޮޅަށް ބޯކޮށް ވާރޭވެހި، ކަނޑުތައް ގަދަވާނޭކަމަށް ލަފާކުރެވޭ ކަމަށެވެ. މި ގަޑިތަކުގައި 45 މޭލަށް ވައިގަދަވާނޭކަމަށް ބެލެވޭކަމަށްވެސް މެޓް އޮފީހުން ބުނެއެވެ.

އަވައްޓެރި ސްރީލަންކާގެ އިރުދެކުނުގައި އުފެދިފައިވާ ކޮޅިގަނޑާއި އެ ކޮޅިގަނޑާއި ގުޅިފައިވާ ލޯޕްރެޝަރ ޓްރަފްގެ ސަބަބުން ޖެނުއަރީމަހުގެ އެއްވަނަ ދުވަހުން ފެށިގެން 5 ވަނަ ދުވަހުގެ ނިޔަލަށް ރާއްޖޭގެ ބޮޑުބަޔަކަށް ގުރުމާއެކު ބޯކޮށް ވާރޭވެހި، ވަޔާއި ކަނޑުތައް ގަދަވެ އަދި ބައެއް އަތޮޅުތަކަށް އުދައެރުމުގެ ފުރުސަތު އޮންކަމަށް މޫސުމާބެހޭ ޤައުމީ އިދާރާއިން ވަނީ ލަފާކޮށްފައެވެ. 

Advertisement

ވޭތުވެދިޔަ 24 ގަޑިއިރުގެ ތެރޭގައި ރާއްޖެއަށް މޫސުން ގޯސްކޮށްލާފައިވާއިރު، ބައެއް ރަށްތަކަށް ވާރޭވެހި ވަރަށްބޮޑަށް ވަނީ ފެންބޮޑުވެފައެވެ.

ކުރިއަށް އޮތީ މޫސުން ގޯސްދުވަސްކޮޅަކަށްވާތީ، މޫސުމާބެހޭ ޤައުމީ އިދާރާއިންނާއި، ޑިޒާސްޓާ އޮފީހުން ވަނީ، މޫސުން ގޯސްވުމުގެ ސަބަބުން ލިބިދާނެ ގެއްލުންތަކުން ރައްކާތެރިވުމަށް ދުރާލާ މަސައްކަތްކުރުމަށް އިލްތިމާސްކޮށްފައެވެ. 

Advertisement

ކޮމެންޓް

Advertisement

Advertisement