އިދިކޮޅު އެންމެބޮޑު ސިޔާސީޕާޓީ، އެމްޑީޕީ ޤައުމީ މަޖިލީހުގެ ހުސްވެފައިވާ މަގާމުތަކަށް ކުރިމަތިލުމުގެ ފުރުސަތު އެޕާޓީން މިއަދު ހުޅުވާލައިފިއެވެ.
އެމްޑީޕީން ވަނީ ތިން ދާއިރާއެއްގެ ރައީސްކަމުގެ މަގާމަށް ކުރިމަތިލުމުގެ ފުރުސަތު ހުޅުވާލާފައެވެ. އޭގެ ތެރޭގައި ހިމެނެނީ، ހއ.ހޯރަފުށީ ދާއިރާ، ރ.އަތޮޅު އިނގުރައިދޫ ދާއިރާ، އަދި ގއ. ވިލިނގިލީ ދާއިރާ އެވެ. އެމްޑީޕީން ބުނީ، އިންތިޚާބަށް ކުރިމަތިލުމަށް އެދޭ ފޯމް މިހިނގާ ޖެނުއަރީމަހުގެ 6 ވަނަ ދުވަހުގެ 14:00ގެ ކުރިން ހުށަޅަންޖެހޭނޭ ކަމަށެވެ.
ދާއިރާގެ ރައީސްކަމަށް ކުރިމަތިލުމުގެ ޝަރުތު:
– ޖެނުއަރީމަހުގެ އެއްވަނަ ދުވަހާ ހަމަޔަށް އެމްޑީޕީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވުން.
– ވޭތުވެދިޔަ 5 އަހަރު ތެރޭގައި އެމްޑީޕީގެ އަސާސީ ޤަވާއިދާއި ހިލާފުވެފަނުވާ މެންބަރެއް ކަމުގައިވުން.
އެމްޑީޕީގެ ގައުމީ މަޖިލީހުގައި ދާއިރާތަކުގެ ރައީސުންގެ އިތުރުން ދެން ހިމެނި ވަޑައިގަންނަވާ މެމްބަރުންގެ ތެރޭގައި ޕާޓީގެ ޗެއާޕާސަން، ޕާޓީގެ ރައީސް، މަޖިލީސް ތަމްސީލްކުރައްވަމުން ގެންދަވާ މެމްބަރުން، ޒުވާނުންގެ ހިތްވަރުގެ ރައީސް އިތުރުން އިސްލާމީ މަޝްވަރާ މަޖިލީހުގެ ރައީސް ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
