މޫސުން ވަރަށް ގޯސްވެ، މެދު ރާއްޖެ ތެރޭގެ އަތޮޅުތަކަށް އޮރެންޖް ސަމާލު ނެރެފިއެވެ.

މޫސުމާ ބެހޭ ގައުމީ އިދާރާ، މެޓް އިން އޮރެންޖު ސަމާލު ނެރެފައިވަނީ ބ. އަތޮޅުން ފެށިގެން ތ. އަތޮޅަށެވެ. އެ ސަރަހައްދަށް އޮރެންޖު ސަމާލު ނެރެފައިވަނީ 15:00 އިން 19:00 އަށެވެ. 

މެޓް އޮފީހުން ބުނީ އެ ސަރަހައްދަށް ގުގުރުމާއެކު ބޯކޮށް ވާރޭ ވެހި ފެންބޮޑުވާނެ ކަމަަށް ލަފާ ކުރެވޭ ކަމަަށެވެ.

މި މަހުގެ އެއް ވަނަ ދުވަހުން ފެށިގެން ރާއްޖޭގެ ބޮޑު ބަޔަކަށް ވަނީ މޫސުން ގޯސްވެފައިވާއިރު، މި ވިއްސާރައާ ގުޅިގެން ބައެއް ރަށްތަކަށް ބޮޑެތި ގެއްލުންތަކެއްވެސް ވަނީ ވެފައެވެ.

އެގޮތުން، ބޯކޮށް ވާރޭވެހުމާއި އުދަ އެރުމުގެ ސަބަބުން މިހާތަނަށް 6 ރަށެއްގައި ފެންބޮޑުވެގެން ރިޕޯޓު ލިބިފައިވާ ކަމަށް އެންޑީއެމްއޭއިން ބުނެފައިވެއެވެ.