ފާއިތުވި 24 ގަޑިއިރު ތެރޭގައި އެންމެ ގިނައިން ވާރޭ ވެހުނީ ހުޅުލެއަށް ކަމަށް މޫސުމާއި ބެހޭ އިދާރާ (މެޓް އޮފީސް) އިން ހާމަކޮށްފިއެވެ. 

އިއްޔެ ހުޅުލެއަށް 114 މިލިމީޓަރުގެ ވާރޭވެހިފައިވާއިރު، މެޓް އޮފީހުގެ ތަފާސްހިސާބުތަކުން ދައްކާގޮތުގައި ދެވަނައަށް އެންމެ ގިނައިން ވާރޭވެހިފައިވަނީ މާލެއަށެވެ. މިގޮތުން އިއްޔެ މާލެއަށް ވަނީ 142.6 މިލިމީޓަރުގެ ވާރޭ ވެހިފައެވެ.

ތިން ވަނަ އަށް އެންމެ ގިނައިން ވާރޭ ވެހުނު ރަށަކީ ހުޅުމާލެއަށް ވާއިރު ފާއިތުވި 24 ގަޑިއިރު ތެރޭގައި އެރަށަށް ވަނީ 122.5 މިލިމީޓަރުގެ ވާރޭ ވެހިފައެވެ.

Advertisement

ރާއްޖޭގެ އެހެން ހިސާބުތަކަށް ބަލާ އިރު، ފާއިތުވި 24 ގަޑިއިރު ތެރޭގައި ދެން އެންމެ ބޯކޮށް ވާރޭ ވެހުނީ އދ.މާމިގިލި (113 މިލިމީޓަރު) ، އއ. ތޮއްޑޫ (78.9 މިލިމީޓަރު) ، ކ.ދިއްފުށި (65.1 މިލިމީޓަރު) އަދި ކ.ގާފަރު (57.4 މިލިމީޓަރު) އެވެ.

މެޓް އޮފީހުން މިއަދު ހަވީރު 18:00 އާއި ހަމައަށް މޫސުން ލަފާކުރާ ގޮތަށްބަލާއިރު، އެ އިދާރާއިން ބުނީ، އުތުރާއި މެދު ރާއްޖެތެރޭގެ އެކި ހިސާބަށް ވިއްސާރަކޮށް، ބައެއް ރަށްތަކަށް ބޯކޮށް ވާރޭވެހި ގުގުރުން އެކަށީގެންވާކަމަށާއި، ދެކުނުގެ މަދުރަށްތަކަށް ކެރީގެ އަސަރު ކުރި ނަމަވެސް އާއްމުގޮތެއްގައި މޫސުން ރަނގަޅުވާނެކަމަށް ލަފާކޮށްފައެވެ.