މާލެއަށް ކުރި ވިއްސާރާގައި ބޯހިޔާވަހިކަން ފޯރުކޮށްދެވުނު ފަރާތްތައް ދިރިއުޅެމުންއައި ގެތަކުގެ ހާލަތު ވަޒަންކުރުމުގެ މަސައްކަތް ފެށުމަށް ތައްޔާރުވަމުންދާކަމަށް ޑިޒާސްޓާ އޮފީހުން ބުނެފިއެވެ.
ޑިޒާސްޓާ އޮފީހުން ބުނީ މާލެއަށް ކުރި ވިއްސާރާގައި ފެންބޮޑުވުމުގެ ސަބަބުން ވަގުތީ ބޯހިޔާވަހިކަން ފޯރުކޮށްދެވުނު ފަރާތްތަކުން ދިރިއުޅެމުންއައި ތަން އާންމު ހާލަތައް ގެނައުމަށް މަސައްކަތްކުރަމުންދާކަމަށެވެ. މިގޮތުން ލިބުނު ގެއްލުންތައް ބެލުމަށް މާދަމާއިން ފެށިގެން އެ ގެތަކަށް ޒިޔާރަތްކުރަމުންދާނޭކަމަށް ޑިޒާސްޓާ އޮފީހުން ބުނެއެވެ.
މާލެއަށްކުރި ވިއްސާރާގައި ފެންބޮޑުވުމުގެ ސަބަބުން އެހީއަށްއެދި 774 ތަނަކުން ވަނީ ޑިޒާސްޓާ އޮފީހުގެ އެހީތެރިކަމަށް އެދިފައެވެ. އެ އިދާރާއިން ބުނީ، މީގެތެރެއިން 554 ފަރާތަކުން އެދުނީ ވެލިބަސްތާ ޖެހުމަށް ކަމަށެވެ. މީގެ ތެރެއިން 53 ގެއެއްގެ ރެޕިޑް އެސެސްމެނެްޓް ހެދިފައިވާއިރު، މީގެތެރެއިިން 36 ގޭބިސީގެ 226 މީހުންނަށްވަގުތީ ބޯހިޔާވަހިކަމާއި ކެއިންބުއިން ފޯރުކޮށްދެވިފައިވާކަމަށް ޑިޒާސްޓާއިން ބުނެއެވެ.
އިއްޔެކުރި ވިއްސާރާގައި މާލޭގެ މަގުތަކުގައި ވަރަށް ބޮޑަށް ފެންބޮޑުވުމާއި ގުޅިގެން ފެން ހިންދުމަށް ކުރި މަސައްކަތުން 30،000 ޓަނުގެ ފެން ހިންދާފައިވާކަމަށް އެމްއެންޑިއެފުން ވަނީ ބުނެފައެވެ. އިއްޔެ ކުރި ވިއްސާރާގައި އެންމެގިނައިން ވާރޭ ވެހިފައިވަނީ، ހުޅުލެ އާއި މާލެއަށެވެ.
Advertisement
This content is created and paid for by advertisers and does not involve Voice Journalists
