ދުނިޔޭގައި މިހާތަނަށް އުމުރުން އެންމެ ދުވަސްވީމީހާގެ ގޮތުގައިހުރި، ޖަޕާނުގެ ޓޮމިކޯ އިޓޫކާ މަރުވެއްޖެއެވެ.

އުމުރުން 116 އަހަރުގައި އިޓޫކާ މަރުވެފައިވަނީ، ޑިސެމްބަރުމަހުގެ 29 ވަނަ ދުވަހުއެވެ. އިޓޫކާގެ މަރުވެފައިވަނީ، އާޝިޔާ ސިޓީގައި ހުންނަ ދުވަސްވީމީހުން ބަލަހައްޓާ ގޭގައެވެ. އިޓޫކާގެ މަރާގުޅޭގޮތުން އާޝިޔާ ސިޓީގެ މޭޔަރު ރިޔޯސުކޭ ޓަކަޝީމާ ވިދާޅުވީ، އިޓޫކާގެ ދިރިއުޅުމުން ވަރަށްބޮޑު އުއްމީދަކާ ހިތްވަރެއް ލިބުނު ކަމަށެވެ.

އިޓޫކާ އުފަންވީ 1909 ވަނަ އަހަރުގެ މެއިމަހުގެ 23 ވަނަ ދުވަހެވެ. ދުނިޔޭގައި ހުރި އެންމެ އުމުރުން ދުވަސްވީ މީހާގެ މަގާމް އިޓޫކާއަށް ލިބުނީ، މީގެ ކުރިން ދުނިޔޭގެ އެންމެ އުމުރުން ދުވަސްވީ މީހާގެ ގޮތުގައި ހުރި އެމެރިކާގެ މަރިއާ ބްރާންޔަސް މަރުވުމުންނެވެ. މަރިއާ މަރުވީ އުމުރުން 117 އަހަރުގައެވެ.

އިޓޫކާގެ ދިރިއުޅުމަށް ބަލާއިރު، އޭނާ އެންމެފުރަތަމަ މީހަކާ އިނދެފައިވަނީ އުމުރުން 20 އަހަރުގައެވެ. އިޓޫކާއަށް ދެ އަންހެން ދަރިން އަދި ދެ ފިރިހެންދަރިން ލިބުނެވެ. އިޓޫކާ މަރުވިއިރު އޭގެ ތެރެއިން ދުނިޔޭގައި ދެ ދަރިން ތިއްބެވެ. ދެވަނަ ބޮޑުހަނގުރާމައިގެ ދުވަސްވަރު އިޓޫކާ ވަނީ، އޭނާގެ ފިރިމީހާގެ ޓެކްސްޓައިލް ވިޔަފާރި ހިންގުމުގައި ހަރަކާތްތެރިވެފައެވެ. އޭނާގެ ފިރިމީހާ މަރުވީ 1979 ވަނަ އަހަރެވެ. 

ދުނިޔޭގެ އެހެން ޤައުމުތަކުގެ އަންހެނުންނާ ބަލާއިރު، ޖަޕާނުގެ އަންހެނުންގެ އުމުރުދިގުކަމަށް ދިރާސާތަކުން ދައްކައެވެ. ޖަޕާނުގައި މަސައްކަތްކުރާ މީހުންގެ އާބާދީއަށްވުރެ، އުމުރުން ދުވަސްވީ މީހުންގެ އާބާދީ ބޮޑެވެ. އެގޮތުން ޖަޕާނުގެ އުމުރުން ދުވަސްވީ މީޙުންގެ އާބާދީގެ ސިއްހީ ހަރަދުތަކާއި އެނޫންވެސް އެމީހުންނަށް ކުރަންޖެހޭ ހޭދަ ބޮޑުވުމުގެ މައްސަލައަކީ މިހާރު ޖަޕާނުގެ އިގްތިސާދަށް އޮތް ގޮންޖެހުމެއްކަމަށް ކަމާބެހޭ ފަރާތްތަކުން ސިފަކުރެއެވެ.