މިއަހަރު ވެގެންދާނީ ގެދޮރުގެ މައްސަލަ ހައްލުކުރުމަށް އަތޮޅުތެރޭގެ ރަށްތަކުގައި އެންމެގިނަ ހައުސިން މަޝްރޫޢުތައް ކުރިއަށްގެންދާ އަހަރަށްކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.

ކ.އަތޮޅު ގުޅިއަށް ވަޑައިގެން މިއަދު އެރަށުގެ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ރައީސް ވިދާޅުވީ, ފެށިގެން މިދާ އަހަރު ވެގެންދާނީ ބޯހިޔާވަހިކަމުގެ އަހަރުކަމަށާއި، ބަޖެޓްގައި ކުރުމަށް ވައުދުވެފައި ހުރި ބޯހިޔާވަހިކަމުގެ މަޝްރޫޢުތައް އަތޮޅޫތެރޭގެ ރަށްރަށުގައި މިމަހުގެ ތެރޭގައި ފެށިގެންދާނޭކަމަށެވެ. ރައީސް ވިދާޅުވީ ކެމްޕެއިންތެރޭގައި ވައުދުވެފައިވާ ބޯހިޔާވަހިކަމުގެ މަޝްރޫޢުތައް ހިންގުމަށް ކޮންޓްރެކްޓަރުން ހޯދުމުގެ މަސައްކަތް މިހިނގާ ޖެނުއަރީމަހުގެ ތެރޭގައި އިއުލާނުކުރެވިގެންދާނޭ ކަމަށެވެ.

އެގޮތުން މިއަހަރު ވެގެންދާނީ ގެދޮރުގެ މައްސަލަ ހައްލުކުރުމަށް އަތޮޅުތެރޭގެ ރަށްތަކުގައި އެންމެ ގިނައިން ހައުސިން މަޝްރޫޢުތައް ކުރިއަށްގެންދާނޭ އަހަރަށްކަމަށް ރައީސް ވިދާޅުވިއެވެ. ރައީސް ވިދާޅުވީ ބިން ހިއްކާ ނިމި ޖާގަ އިތުރުކުރެވިފައިވާ ރަށްރަށުގައިވެސް ބޯހިޔާވަހިކަމުގެ މަޝްރޫޢުތައް ފެށިގެންދާނޭކަމަށެވެ. 

Advertisement

ރައީސް ޑރ.މުއިއްޒުގެ ބޯހިޔާވޗަހިކަމުގެ ސިޔާސަތާ ގުޅޭގޮތުން އެމަނިކުފާނު ވިދާޅުވެފައިވަނީ އެމަނިކުފާނުގެ ވެރިކަމުގެ ފަސް އަހަރު ނިމިގެންދާއިރު، ގެދޮރުގެ މައްސަލަތަކަށް ހައްލު ލިބިގެންދާނޭކަމަށެވެ. އެގޮތުން މި ފަސްއަހަރު ނިމޭއިރު މާލެ ސަރަހައްދުގައި ގޯތި ނުލިބޭ ހަމަ އެކަކުވެސް ނުހުންނާނޭކަމަށް ރައީސް ވަނީ ވިދާޅުވެފައެވެ.

މި ސަރުކާރުން ވަނީ އަތޮޅުތެރޭގައި 12،940 ހައުސިން މަޝްރޫޢު ކުރިއަށްގެންދަން ނިންމާފައެވެ.