އޮންލައިންކޮށް ޓެކްސީގެ ހިދުމަތް ދިނުމުގައި އެފަދަ ދެވަނައެއްނެތް އަވަސް ރައިޑުން، މުޅިން އައު އިންގިލާބީ ބަދަލުތަކާއެކު، "އަވަސް އެޕް" ނަމުގައި އެޕްލިކޭޝަނެއް ލޯންޗްކުރުމަށް ނިންމައިފިއެވެ.

އަވަސް އެޕްލިކޭޝަން ލޯންޗްކުރުމުގެ ގޮތުން އަންނަ ހުކުރުދުވަހުގެ ހަވީރު 16:00 ފެށިގެން އެ ރޭގެ 21:30 ގެ ނިޔަލަށް ހުޅުމާލެ ސެންޓްރަލް ޕާކްގައި ހާއްސަ ހަރަކާތެއް ކުރިއަށްގެންދިއުމަށް ވަނީ ނިންމާފައެވެ. މި ހަރަކާތްތައް އެދުވަހުގެ ހަވީރު ފެށުމަށް ހަމަޖެހިފައިވަނީ، ކުޑަކުދިންގެ އިތުރުން ބޮޑެތި މީހުންގެ މެދުގައިވެސް ވަރަށްބޮޑު މަގްބޫލުކަމެއް ލިބިފައިވާ ރޮބޯމޭން ބައިވެރިވާ ހާއްސަ ކުޑަކުދިންގެ ހަވީރަކުންނެވެ. ސެންޓްރަލް ޕާކްގައި ބޭއްވުމަށް ހަމަޖެހިފައިވާ މި ކުޑަކުދިންގެ ހަވީރުގެ ހަރަކާތްތަކާއި ކުޅިވަރުތައް އިންތިޒާމުކޮށްފައިވަނީ ކުދިންގެ އާއިލާތަކަށްވެސް ބައިވެރިވެވޭނެ ގޮތަށެވެ. ކުޑަކުދިންގެ ހަވީރު ކުރިއަށްދާނީ ހަވީރު 4 ކުން ފެށިގެން 7 ޖެހުމާ ހަމަޔަށެވެ.

ކުޑަކުދިންގެ މި ހަވީރަށް ޒިޔާރަތްކުރާ ފަރާތްތަކަށް އަގުހުރި އިނާމުތައް ހޯދުމުގެ ފުރުސަތު ހަމަޖެހިފައިވާއިރު، ކުޑަކުދިންގެ ހަވީރުގެ ތެރޭގައި ތަފާތު އެކި ބާވަތްތަކުގެ ކާނާތައް އެކުލެވޭ ސްޓޯލްތައް ހުންނާނެއެވެ. ކުޑަކުދިންގެ ހަވީރަށް ޒިޔާރަތްކުރާ ފަރާތްތަކުގެ މެދުގައި ނަގާ ގުރުއަތުން ހޮވޭ ފަރާތަކަށް ވަނީ ސޮނީ ޕްލޭސްޓޭޝަން 5 ދިނުމަށް ހަމަޖެހިފައެވެ.

Advertisement

ކުޑަކުދިންގެ ހަވީރަށްފަހު، އަވަސް އެޕްލިކެޝަން ލޯންޗްކުރުމުގެ ރަސްމީ އިވެންޓް ބޭއްވުމަށް ނިންމާފައިވަނީ، އެ ރޭ ބޭއްވުމަށް ހަމަޖެހިފައިވާ ހާއްސަ ހަރަކާތްތަކުގެ ތެރެއިންނެވެ. އަވަސް އެޕްލިކޭޝަން އެރޭގެ 8 ޖަހާއިރު ރަސްމީކޮށް ލޯންޗުކުރެވިގެންދާއިރު، ދެން އޮންނާނީ 21:30 ގައި ހަވާއެރުވުމެވެ. 

އަވަސް ރައިޑަކީ ގިނަ ބައެއްގެ މެދުގައި ވަރަށްބޮޑު މަގްބޫލުކަމަކާއި އިތުބާރެއް ލިބިފައިވާ އެޕްލިކޭޝަނެކެވެ. ޓެކްސީއެއް ހޯދަންވެއްޖެނަމަ އެންމެފުރަތަމަ ހިތަށް އަންނަނީ އަވަސް ރައިޑެވެ. އަވަސް ރައިޑުގެ ހިދުމަތް އެންމެ ފުރަތަމަ ފެށީ 2019 ވަނަ އަހަރު މާލެސިޓީންނެވެ. ނަމަވެސް މިއަދު އަވަސް ރައިޑުގެ ހިދުމަތް ރާއްޖޭގެ އެކި ކަންކޮޅޫތަކުގައި ދެއެވެ. އަވަސް އެޕްގައި 3،000 ހަށްވުރެ ގިނަ އުޅަނދު ރަޖިސްޓްރީވެފައިވާކަން ފާހަގަކޮށްލެވެއެވެ.