ކޮންމެހެން ކުރަންޖެހޭ މަސައްކަތެއް ކުރުމަށްޓަކައި މާލެއާއި ހުޅުމާލޭގެ ބައެއް ހިސާބުތަކުން, މާދަމާ ހެނދުނު ކަރަންޓް ކެނޑޭނޭކަމަށް ސްޓެލްކޯއިން ބުނެފިއެވެ.
ސްޓެލްކޯއިން ބުނީ ހުޅުމާލޭ ދެވަނަ ފިޔަވަހީގައި ބަހައްޓާފައިހުރި 132 ކޭވީގެ ހައިވޯލްޓޭޖް ސަބްސްޓޭޝަން އެނަޖައިޒް ކުރުމަށް ކުރަންޖެހޭ މަސައްކަތެއް ކުރުމަށްޓަކައި ހުކުރު ދުވަހުގެ ހެނދުނު، މާލެ އާއި ހުޅުމާލޭގެ ފޭސް އެކެއް އަދި ދޭއް ހިމެނޭހެން ކަރަންޓްގެ ހިދުމަތް މެދުކެނޑިދާނޭކަމަށެވެ. ކަރަންޓްގެ ހިދުމަތް މެދުކެނޑިދާނޭކަމަށް ސްޓެލްކޯއިން ދީފައިވާ ގަޑިއަކީ ހެނދުނު 6 ކުން 8 ޖެހުމާ ހަމަޔަށެވެ.
ސްޓެލްކޯއިން ވަނީ ކަރަންޓްގެ ހިދުމަތް މެދުކެނޑިދާނެ ސަރަހައްދުތައް އާއްމުކޮށްފައެވެ.
ކަރަންޓުގެ ހިދުމަތް މެދުކެނޑިދާނެ ސަރަހައްދުތައް
ސްޓެލްކޯއިން އަންނަނީ މާލެ ސަރަހައްދަށް ދެމުން އަންނަ ކަރަންޓްގެ ހިދުމަތް ފުޅާކުރުމަށް ގިނަ މަސައްކަތްތައް ކުރަމުންނެވެ. މިގޮތުން ހުޅުމާލޭގެ ދެވަނަ ފިޔަވައްސަށް ދެމުން އަންނަ ކަރަންޓްގެ ހިދުމަތް ރަނގަޅޫކުރުމަށް މިހާރު ފަށާފައިވާ މަސައްކަތްތައް ނިމުމުން މިހާރު ދެމުން އަންނަ ކަރަންޓްގެ ހިދުމަތް އިތުރަށް ޔަގީންވެގެން ދާނޭކަމަށް ސްޓެލްކޯއިން ބުނެއެވެ.
ހުޅޫމާލޭ ފޭސް ދޭއްގައި ބިނާކުރެވޭ އިމާރާތްތަކާއި އާބާދީ އިތުރުވަމުން އަންނައިރު، ސްޓެލްކޯއިންވެސް އަންނަނީ ފޭސް ދޭއްގެ ކަރަންޓް ވިއުގާ އަޕްގްރޭޑްކުރުމަށް ކުރުމަށް ގިނަ މަސައްކަތްތަކެއް ކުރަމުންނެވެ.
Advertisement
This content is created and paid for by advertisers and does not involve Voice Journalists
