ވ.ފުލިދޫ ގެސްޓްހައުސްއަކަށް އައި ފަތުރުވެރިންގެ ބަޔަކު މަސްހިފަން މޫދަށް ފައިބައިގެން އުޅެނިކޮށް ގެއްލިގެން ހޯދުމުގެ މަސައްކަތް ފަށައިފިއެވެ.
ވޮއިސްއަށް މައުލޫމާތު ލިބިފައިވާ ގޮތުގައި އެއީ ޗައިނާއަށް ނިސްބަތްވާ ފަތުރުވެރިންގެ ބައެކެވެ. މިކަމާ ގުޅިގެން ވޮއިސް އިން ފުލިދޫ ކައުންސިލްގެ ރައީސް މުހައްމަދު އިމްތިޔާޒުއަށް ގުޅާލުމުން ވަނީ އެފަދަ ހާދިސާއެއް ހިނގައިގެން އުޅޭކަން ކަށަވަރުކޮށްދެއްވާފައެވެ. އިމްތިޔާޡް ވިދާޅުވީ އެމީހުން ހޯދުމުގެ މަސައްކަތް ކަމާގުޅުންހުރި މުއައްސަސާތަކާއެކު ކުރަމުން އަންނަ ކަމަށެވެ.
ވޮއިސްއަށް މައުލޫމާތު ލިބިފައިވާ ގޮތުގައި ގެއްލުނު މީހުންގެ ތެރޭގައި 7 މީހުން ހިމެނޭކަމަށް ނުރަސްމީކޮށް މައުލޫމާތު ލިބެއެވެ. އެމީހުން ގެއްލުނުކަމަށް ހަބަރު ލިބެނީ ހަވީރުގެ ވަގުތެއްގައެވެ.
"އެމީހުން ދިޔައީ ޑިންގީގައި މަސްހިފަން. މޫދަށް ފޭބި މީހުންގެ ހަބަރެއް ޑިންގީގައި ތިބި މީހުންނަށް ނުވޗެގެން އުޅެނީ. މިހާރު ކޯސްޓްގާޑަށްވެސް އަންގައިގެން ކައިރީގައި ހުރި ރިސޯޓްތަކަށްވެސް އަންގައިގެން އެމީހުން ހޯދުމުގެ މަސައްކަތް ވަނީ ފަށާފައި" ވޮއިސްއަށް މައުލޫމާތު ހިއްސާކުރި ފުލިދޫ މީހަކު ބުންޏެވެ.
Advertisement
This content is created and paid for by advertisers and does not involve Voice Journalists
