މަސްހިފަން މޫދަށް ފައިބައިގެން އުޅެނިކޮށް ވ.ފުލިދޫ ފަޅުތެރެއަށް ގެއްލުނު ފަތުރުވެރިން ދާދި ދެންމެއަކު ފެެނިއްޖެއެވެ.

ގެއްލިގެން ހޯދަން ފެށީ ވ.ފުލިދޫ ގެސްޓްހައުސްއަކަށް އައި ޗައިނާއަށް ނިސްބަތްވާ ފަތުރުވެރިންގެ ބައެކެވެ. އެމީހުން ފެނުނުކަން ފުލިދޫ ކައުންސިލްގެ ރައީސް މުހައްމަދު އިމްތިޔާޒު ވަނީ ވޮއިސްއަށް ކަށަވަރު ކޮށްދެއްވާފައެވެ. ފެނުނުއިރު އެމީހުންގެ ހާލު ރަނގަޅެވެ. އެމީހުން މަސްހިފަން ދިޔައީ ހަވީރުގެ ވަގުތެއްގައެވެ. މަސްހިފަން ފޭބި މީހުން ގެއްލުނުކަމަށް ބަލައި އެމީހުން ހޯދުމުގެ މަސައްކަތް ފެށީ ޑިންގީގައި ތިބި މީހުންނަށް ހަބަރެއް ނުވުމުންނެވެ.

މިކަމާ ގުޅޭގޮތުން ފުލުހުން ބުނީ ވ.ފުލިދޫ ކައިރި އޮންނަ ބޯމަސްކަނޑު ޑައިވް ސަރަހައްދަށް ފީނަންގޮސް އުޅުނު ޗައިނާގެ 7 މީހަކު ގެއްލިފައިވާކަމަށް މިރޭގެ ވަގުތެއްގައި ރިޕޯޓެއް ލިބިފައިވާކަމަށެވެ. އެމީހުން ގެއްލުނު ކަމުގެ ރިޕޯޓް ފުލުހުންނަށް ލިބުނީ، 18:26 ގައެވެ. 

Advertisement

އެމީހުން ސަލާމަތްކޮށްފައިވަނީ ފުލިދޫއިން ލޯންޗެއްގައި އެމީހުން ހޯދަން ނިކުތް ބަޔަކަށެވެ. އެމީހުން ސަލާމަތްކޮށްފައިވަނީ ކަނޑުމަތިންކަމަށް ފުލުހުން ބުނެއެވެ.