ޑިމޮކްރެޓްސް އުފެއްދުމުގައި އިސްކޮށްހުންނެވި ހުސައިން އަމްރު، އެޕާޓީ ދޫކުރައްވައި އަލުން އެމްޑީޕީއާ ގުޅިވަޑައިގަންނަވައިފިއެވެ.
އަމްރު އެމްޑީީއާ ގުޅިވަޑައިގެންނެވިކަން އިއުލާންކުރެއްވީ، އެކްސްގައި ކުރެއްވި ޕޯސްޓެއްގައި އެމްޑީޕީގެ ހުޅުމާލެ ދާއިރާގެ ކުރީގެ މެންބަރު އަލީ ނިޔާޒެވެ. އަމްރަކީ ރައީސް ސޯލިހު ސަރުކާރުގައި އެސްޓީއޯގެ މެނޭޖިންގ ޑިރެކްޓަރެވެ.
އަމްރް އެމްޑީޕީއާ ގުޅިވަޑައިގެންނެވިކަން ހާމަކުރައްވަމުން އަލީ ނިޔާޒު ވިދާޅުވީ، ސިޔާސީ އިސްލާހީ މަސައްކަތުގަ އަބަދުވެސް އެންމެ މުހިއްމު މަސައްކަތެއް ކުރެވޭނެ ޖާގަ އޮންނާނީ އެމްޑީޕީގައި ކަމަށެވެ. އޭނާ ވިދާޅުވީ، ސިޔާސީ ކުރިމަގު ހޯދަން އެދޭނަމަ، ހަމަ ކޮންމެ މީހަކަށްމެ އެ ފުރުސަތު ތައްމިނަށް ހުޅުވާލެވިފައިވާކަމަށެވެ.
ޑިމޮކްރެޓްސްގައި ހުންނެވުމަށްފަހު އަމްރް އެމްޑީޕީއާ ގުޅިވަޑައިގެންނެވިއިރު، އެންމެފަހުން ނިމިގެންދިޔަ ރިޔާސީ އިންތިހާބުގެ ހަރަކާތްތަކަށްފަހު ޑިމޮކްރެޓްސްގެ މާބޮޑު ހަރަކާތްތަކެއް ފެނިގެންގޮސްފައެއް ނުވެއެވެ. އަމްރުއަކީ އެންމެފަހުން ބޭއްވި ރިޔާސީ އިންތިހާބުގެ ޑިމޮކްރެޓްސްގެ ފަރާތުން ވާދަކުރެއްވި ކެނޑިޑޭޓް، އިލްޔާސް ލަބީބުގެ ރަނިން މޭޓެވެ. އިންތިހާބުގައި ޑިމޮކްރެޓްސްއަށް ލިބުނީ 15،453 ވޯޓެވެ.
ޑިމޮކްރެޓްސް ވުޖޫދަށް އަކީ ރައީސް ނަޝީދު އަވަހާރަކޮށްލަންދިން ހަމަލާއަށްފަހު، އެމްޑީޕީގެ ތެރޭގައި އުފެދުނު ހިޔާލުތަފާތުވުންތަކެއްގެ ތެރެއިންނެވެ.
Advertisement
This content is created and paid for by advertisers and does not involve Voice Journalists
