ރާއްޖޭގެ އެކި ސަރަހައްދުތަކަށް ކުރަމުންދާ ވިއްސާރައިގައި މާލޭގެ މަގުތަކުގައި ފެންބޮޑުވެ، އެމްއެންޑީއެފުން މިހާތަނަށް 13،882 ޓަނުގެ ފެން ހިންދައިފިއެވެ.

އެމްއެންޑީއެފުން ބުނީ، މާލެއިން ފެން ހިންދުމަށް އެމްއެންޑީއެފް ފަޔަރ އެންޑް ރެސްކިޔު ސަރވިސްއިން، މާލޭގެ 8 ސަރަހައްދެއްގައި 23 ޕަންޕު ބަހައްޓައިގެން މަސައްކަތްކުރަމުންދާކަމަށެވެ.

މިގޮތުން މި މަސައްކަތުގައި މިހާތަނަށް 13،882 ޓަނުގެ ފެން ހިންދާފައިވާކަމަށް އެމްއެންޑީއެފުން ބުނެއެވެ.

މީގެ އިތުރުންވެސް އެމްއެންޑީއެފުން ބުނީ، މާލެއަށް ކުރަމުންދާ ވިއްސާރައާއި ގުޅިގެން އެހީތެރިކަން ފޯރުކޮށްދިނުމަށް އެމްއެންޑީއެފް މާލޭ އޭރިއާ ކޮމާންޑުން ކުރިއަށްގެންދާ އޮޕަރޭޝަންގައި މިހާތަނަށް 58 ގެއަކަށް އެހީތެރިކަން ފޯރުކޮށްދެވިފައިވާކަމަށެވެ.