މިދިޔަ އަހަރު ދައުލަތަށް ޑޮލަރުން ލިބުނު އާމްދަނީ 1 ބިލިއަނަށް އަރައިފިއެވެ.

މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އާންމުކޮށްފައިވާ ތަފާސްހިސާބުތަކަށް ބަލާއިރު، މިދިޔަ އަހަރު ދައުލަތަށް ވަނީ ޑޮލަރުގެ ގޮތުގައި، 1،068،483،941 ޑޮލަރުގެ އާމްދަނީ ލިބިފައެވެ. މިދިޔަ އަހަރު ދައުލތަށް އާމްދަނީގެ ގޮތުގައި 949،741،273 ލިބުނުއިރު، މިއަހަރު މިވަނީ 12.5 އިންސައްތައިގެ ކުރިއެރުމެއް ލިބިފައެވެ.

ދައުލަށް ޑޮލަރުން ލިބުނު އާމްދަނީގެ ތެރެއިން އެންމެ ބޮޑު އާމްދަނީއެއް ގުޑްސް އެންޑް ސާވިސަސް ޓެކްސް (ޖީއެސްޓީ) އިން ލިބިފައިވާއިރު، ޓީޖީއެސްޓީގެ ގޮތުގައި ދައުލަތަށް ވަނީ 619.9 މިލިއަން ޑޮލަރު ލިބިފަ އެވެ. މިއީ މިދިޔަ އަހަރަށް ވުރެ 8.2 އިންސައްތަ އިތުރު އަދަދެކެވެ. މިގޮތުން މިދިޔަ އަހަރު ދައުލަތަށް ޓީޖީއެސްޓީގެ ގޮތުގައި ލިބިފައިވަނީ 572.5 މިލިއަން ޑޮލަރެވެ.

ނިމިދިޔަ 2023 ވަނަ އަހަރު ދައުލަތަށް ޖުމްލަ އާމްދަނީގެ ގޮތުގައި 27 ބިލިއަން ރުފިޔާ ލިބފައިވާއިރު، އޭގެ ކުރީ އަހަރު ދައުލަތަށް ޖުމްލަ އާމްދަނީގެ ގޮތުގައި ލިބިފައިވަނީ 24 ބިލިއަން ރުފިޔާ އެވެ.