ސަރުކާރުގެ މަސްކުންފުނި، މިފްކޯގެ ސީއެފްއޯ އިލްޔާސް ހަނީފް މަގާމުން މިއަދު އިސްތިއުފާދެއްވައިފިއެވެ.
އިލްޔާސް މަގާމުން އިސްތިއުފާދެއްވިކަން މިފްކޯގެ އޮފިޝަލަކު ވަނީ ވޮއިސްއަށް ކަށަވަރުކޮށްދެއްވާފައެވެ. މައުލޫމާތު ލިބިފައިވާ ގޮތުގައި އިލްޔާސް އިސްތިއުފާދިނީ އަމިއްލަ ސަބަބުތަކެއް ހުރުމުންނެވެ. އިލްޔާސް މިފްކޯއާ ގުޅުނީ 2021 ވަނަ އަހަރުގެ އޮކްޓޯބަރުމަހުގެ ތެރޭގައެވެ.
މިފްކޯގެ ސީއީއޯކަމުގެ މަގާމުގައި ހުންނެވި ޝަމާހު ރަޝީދު މަގާމުން އިސްތިއުފާދެއްވުމުން މިއަދާހަމަޔަށް މިފްކޯ ހިންގެވުމުގެ ކަންކަން ކުރައްވަމުން ގެންދެވީ އަލްޔާސް އެވެ. މިފްކޯގެ ސީއީއޯ ކަމުގެ މަގާމަށް އައު ބޭފުލަކު އައްޔަނުކޮށްފައިވާއިރު، މިފަހަރު މިފްކޯގެ ސީއީއޯކަމަށް އައްޔަނުކޮށްފައިވަނީ ސްވިޒަރލެންޑްގެ ރައްޔިތެއްކަމަށްވާ ޑރ. ވިޓާލީ ލުބިމޯވް އެވެ.
މިފްކޯގެ ސީއެފްއޯ މަގާމުން އިސްތިއުފާދެއްވިއިރު، އެކުންފުނީގެ ޗެއާމަންކަމުގެ މަގާމުގައި ހުންނެވި، އަހުމަދު ޝަރީފް ވަނީ، މިދިޔަ މަހުގެ ތެރޭގައި އެމްފޯމްޕީސީގެ ބޯޑަށް އައްޔަނުކޮށްފައެވެ.
Advertisement
This content is created and paid for by advertisers and does not involve Voice Journalists
