‎ގްރޭޓަރ މާލެ ސަރަހައްދުގައި ދިރިއުޅޭ އަންހެނުންނަށް ހާއްސަކޮށް ގުރުއާން މުބާރާތެއް ބާއްވައިފިއެވެ.

މާލެ ސިޓީ ކައުންސިލުން ބުނީ، މާލެ ސިޓީ ކައުންސިލްގެ އަންހެނުން ތަރައްޤީއަށް މަސައްކަތް ކުރާ ކޮމެޓީ (ޑަބްލިޔުޑީސީގެ ) އިސްނެގުމާއިއެކު، މާލެ ސިޓީ ކައުންސިލް، އަދި ކީރިތި ޤުރުއާންއާއި ބެހޭ މަރުކަޒު ގުޅިގެން ބޭއްވި މި މުބާރާތުގެ މަގްސަދަކީ އަންހެން ކަނބަލުންގެ ހިތުގައި ކީރިތި ޤުރުއާންއަށް ކިޔެވުމުގެ ފަންނު ކުރިއަރުވައި، އެކަމަށް ހިތްވަރުދީ، އެކަކު އަނެކަކު ކައިރިން ހިތްވަރު ލިބި ޤްރުއާން އުނގަންނައިދިނުން ކަމަށެވެ.

‎މި މުބާރާތް ކުރިއަށް ގެންދެވިފައިވަނީ ކިޔެވުމަށް އިއުލާންކޮށް ހުޅުވާލެވި، އޮޑިޝަނަކުން މުބާރާތަށް ބައިވެރިން ހޮވުމަށްފަހު ކަމަށާއި، އޮޑިޝަނުން އެންމެ މަތިން މާކްސް ލިބުނު ދަރިވަރުންގެ ތެރެއިން ފުރަތަމަ ރައުންޑަށް ކުދިން ހޮވައި ، ކިޔެވުމަށްފަހު އެ ރައުންޑުންވެސް ކޮންމެ އުމުރުފުރައަކުން އެންމެ މަތީ މާރަކް ލިބުނު 5 ބައިވެރީން ފައިނަލް ރައުންޑަށް ހޮވި، އެ ރަންއުންޑް ކިޔެވުމަށްފަހު އިންސާފުކުރެވިގެންކަމަށް މާލެ ސިޓީ ކައުންސިލުން މައުލޫމާތު ދެއެވެ.

‎މާލެ ސިޓީ ކައުންސިލުން ބުނީ، މި މުބާރާތުގައި ބައިވެރީން 3 ބުރެއްގެމަތިން ކިޔަވާފައިވާއިރު، ފުރަތަމަ ބުރުގައި ހޮވުނު ކުދިންއަށް ކީރިތި ޤުރުއާންއާއި ބެހޭ މަރުކަޒުން ތަމްރީންކުރުމުގެ ގޮތުން ކްލާސްތަކެއް ނަގައިދީފައިވާކަމަށެވެ.

‎މުބާރާތް ބަހާލެވިފައިވަނީ ހަތަރު އުމުރުފުރާ ކެޓެގަރީއަކަށް އަދި އަމުރުފުރާ ތަކަކީ

1) 25 އަހަރާއި 35 އަހަރާއި ދެމެދު

2) 36 އަހަރާއި 45 އަހަރާއި ދެމެދު

3) 46 އަހަރާއި 55 އަހަރާއި ދެމެދު 

4) 55 އަހަރާއި ދެމެދު

25 އަހަރާއި 35 އަހަރާއި ދެމެދުގެ އުމުރުފުރައިން :

1 ވަނަ - ޝާމަތު އިބްރާހީމް (25 އަހަރު)

2 ވަނަ - ސައުސަން އިބްރާހީމް (25 އަހަރު)

3 ވަނަ - ޝިފާޒާ ނަޢީމް (33 އަހަރު )

3 ވަނަ - ޢާއިޝަތު ސުހުދާ (33 އަހަރު )

36 އަހަރާއި 45 އަހަރާއި ދެމެދުގެ އުމުރުފުރައިން :

1 ވަނަ - ޢާއިޝަތު ރަޝީދާ (39 އަހަރު)

2 ވަނަ - ޝާމިރާ ޝަމީމް (40 އަހަރު)

3 ވަނަ - ޝިފާ އިބްރާހީމް (36 އަހަރު )

46 އަހަރާއި 55 އަހަރާއި ދެމެދުގެ އުމުރުފުރައިން :

1 ވަނަ - ފަޟްލާޤާސިމް (49 އަހަރު)

2 ވަނަ - ސާމިޔާ ޢަލީ (48 އަހަރު)

3 ވަނަ - ސަންފާ ޢަބްދުލްކަރީމް (55 އަހަރު )

55 އަހަރުން މަތި :

2 ވަނަ - ޢާއިޝަތު އަލީ (62 އަހަރު)

3 ވަނަ - ފަރިޔާލް ޤާސިމް (63 އަހަރު )

މުޅި މުބާރާތުން:

1 ވަނަ - ޝާމަތު އިބްރާހީމް (25 އަހަރު)

2 ވަނަ - ސައުސަން އިބްރާހީމް (25 އަހަރު)

3 ވަނަ - ޝިފާޒާ ނަޢީމް (33 އަހަރު )

3 ވަނަ - ޢާއިޝަތު ސުހުދާ (33 އަހަރު )

‎މުބާރާތް ފަނޑިޔާރުކޮށް ، ފަނޑިޔާރުން ހަމަޖައްސަވާ ދިނުމުގައި އަދި މީގެ އިތުރުން އޮޑިޝަންއިން ހޮވުނު ބައިވެރީންނަށް ތަމްރީން ސެޝަންތައް ކުރިއަށް ގެންގޮސްދިނުމުގައި ކީރިތި ޤުރުއާންއާއި ބެހޭ މަރުކަޒާއި، ހާއްސަކޮށް އުސްތާޒް އަލީ ވަހީދުގެ ވަރަށް ބޮޑު އެހީތެރިކަމެއް ލިބިފައިވާކަން ފާހަގަކޮށް ކައުންސިލުން ބުނީ، އިސްލާމިކް މިނިސްޓްރީން ކޮންމެ ބައިވެރިއަކަށް ޚަތިމް ހަދިޔާކޮށްފައިވާކަމަށެވެ.