”ވޭވްޕާސް“ އަކީ ފެރީ އޮޕަރޭޓަރުންނަށް ޚާއްޞަކޮށް، އެފަރާތްތަކާއި ފަސިންޖަރުންނާއި ފަސޭހައިން ގުޅުވާލަދިނުމަށް އުފައްދާފައިވާ ޚާއްސަ ޕްލެޓްފޯމެކެވެ. ވޭވްޕާސް އާއެކު ފެރީ އޮޕަރޭޓް ކުރާ ފަރާތްތަކުގެ މުޅި ބުކިންގ ޕްރޮސެސް ފަސޭހަވެ، ފެރީން ދެމުންދާ ޚިދުމަތްތައް - ޓިކެޓް ރިޒަރވޭޝަނުން ފެށިގެން ރިޕޯޓިންގ އާ ހަމައަށް - ތިބާ ބޭނުންވާ ގޮތަށް ދައްކުވައިދެވޭނެއެވެ.

ވޭވްޕާސް އަކީ، އޮޕަރޭޓަރެއްގެ ގޮތުގައި ތިބާގެ ބޭނުންތަކަށް ފެތޭގޮތަށް ފަރުމާކުރެވިފައިވާ، ކަސްޓަމައިޒް ކުރެވޭ ވައިޓް ލޭބަލް ޕްލެޓްފޯމެކެވެ. އޭގައި ރިއަލްޓައިމް ބަގް ފިކްސްތަކާއެކު ފުރިހަމަ ސަރވަރ މެނޭޖްމަންޓް ހިމެނެއެވެ.

ރައްކާތެރި މުޢާމަލާތްތަކަށް މަގުފަހިކޮށްދޭ ބީއެމްއެލް އިންޓެގްރޭޓެޑް ޕޭމަންޓް ގޭޓްވޭއަކާއި، ތިބާގެ ކަސްޓަމަރުންގެ ބުކިންގ ޕްރޮސެސް ފުރިހަމަކުރުމަށް ކަސްޓަމައިޒް ކުރެވޭ ޕޭމަންޓް އޮޕްޝަންތައް ވޭވްޕާސް ޕްލެޓްފޯމުގައި ހިމެނެއެވެ.

ޓިކެޓް ވިއްކުމާއި، ފަސިންޖަރުންގެ ޓްރެންޑްތަކާއި، އަދި ހިންގުމުގެ ހަރުދަނާކަމާ ބެހޭ މަޢުލޫމާތު ހޯދުމަށް ރިއަލްޓައިމް ރިޕޯޓިންގ ވޭވްޕާސް މެދުވެރިކޮށް ބަލާލެވޭނެއެވެ.

ވޭވްޕާސް އިން މައުލޫމާތު ދިން ގޮތުގައި އެ ޕްލެޓްފޯމްގެ އެންމެ ފުރަތަމަ ބައިވެރިޔާ ކަމުގައިވާ ”އެކްސް ސްޕީޑުން“ ވަނީ، އެ ޕްލެޓްފޯމް މެދުވެރިކޮށް، އެންމެ ތިން ދުވަހުގެ ތެރޭގައި 200 އަށްވުރެ ގިނަ ޓިކެޓް ވިއްކާފައެވެ.

ފަސޭހަކަމާއެކު ބުކިންގ މެނޭޖްކުރުމުން ފެށިގެން، ފެރީ ހިންގުންތައް އައު ގޮތަކަށް ބަދަލުކުރުމަށް ފަރުމާކުރެވިފައިވާ ވޭވްޕާސްގެ ތަފާތު ޕެކޭޖްތައް ހިމެނެއެވެ.

އެހެންކަމުން، އެ އޮޕަރޭޓަރެއް ބޭނުންވާ ޕެކޭޖެއް ޚިޔާރުކޮށް ފެރީ އޮޕަރޭޓް ކުރުމުގެ ކަންކަން ލުއި ފަސޭހަ ކުރުމަށް ވޭވްޕާސް އާއި ގުޅިގެން ކުރިއަށް ދިޔުމަށް އެ ފަރާތުން އެދެއެވެ.