ހުޅުމާލެ ހޮސްޕިޓަލުން ފަރުވާ ހޯދި މީހެއްގެ ޒާތީ މައުލޫމާތު އާއްމުކުރި މައްސަލައެއް ހެލްތު މިނިސްޓްރީން ބަލަން ފަށައިފިއެވެ.
ހުޅުމާލެ ހޮސްޕިޓަލުން ފަރުވާ ހޯދަންދިޔަ ބިދޭސީ މީހެއްގެ އެކްސްރޭ އަދި ހަށިގަނޑުން ނަގާފައިވާ ސްޕްރޭފުޅިއެއް މީސް މީޑިއާގައި އާއްމުވި މައްސަލައެއް ވަނީ ފެންމަތިވެފައެވެ.
މި މައްސަލައާ ގުޅޭގޮތުން ވޮއިސްއަށް މައުލޫމާތު ހިއްސާކުރަމުން ހެލްތު މިނިސްޓްރީގެ މީޑިއާ އޮފިޝަލް ވިދާޅުވީ، ހޮސްޕިޓަލަކުން ބަލިމީހެއްގެ ޒާތީ މައުލޫމާތު އާއްމުކުރިކަމަށް ބުނާ މައްސަލައެއް ބަލަމުންދާކަމަށެވެ.
މިކަމާ ގުޅޭގޮތުން އިތުރު ވާހަކައެއް ހިއްސާކޮށްފައެއް ނުވެއެވެ.
އާއްމުވެފައިވާ މައުލޫމާތުތަކަށް ބަލާއިރު، އެކްސްރޭގެ އިތުރުން އޮޕަރޭޝަންކޮށްގެން ނެގި ބޮޑީސްޕްރޭފުޅީގެ ފޮޓޯ ހިމެނެއެވެ.
ބޮޑީސްޕްރޭފުޅީގެ ފޮޓޯ ނަގާފައިވަނީ އޮޕަރެޝަންކޮށްގެން އެ ފުޅި ނެގިތާ މާގިނައިރު ނުވަނީސްކަން ފާހަގަކޮށްލެވެއެވެ. ދައުރުވަމުންދާ ފޮޓޯއިން ފެންނަ ގޮތުގައި ބޮޑީސްޕްރޭފުޅީގައި ލޭގެ އަސަރުވެސް ފެންނަން ހުއްޓެވެ.
ހޮސްޕިޓަލްތަކުން ފަރުވާ ހޯދާ މީހުންގެ ޒާތީ މައުލޫމާތު ހާމަކުރުމަކީ މަނާކަމެކެވެ.
Advertisement
This content is created and paid for by advertisers and does not involve Voice Journalists
