މޯލްޑިވްސް ޕޯޓްސް ލިމިޓެޑް (އެމްޕީއެލް) އެމްޑީގެ މަޤާމަށް ކުރީގެ ޑޭޕިއުޓީ ކޮމިޝަނާ އޮފް ޕޮލިސް މުޙައްމަދު ރިޝްވާން މިއަދު އައްޔަންކުރައްވައިފިއެވެ.

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން މިއަދު އިޢުލާންކުރި ގޮތުގައި އެމްޕީއެލްގެ އެމްޑީ އަދި ބޯޑު ޑިރެކްޓަރުކަމުގެ މަޤާމަށް ހ. ހަބަރުގެ، ރިޝްވާން އައްޔަންކުރައްވާފައި ވެއެވެ. 

ޕީސީބީ އިން މިކަން މިއަދު އިޢުލާންކުރީ މީގެ ދެ ދުވަސް ކުރިން އެމްޕީއެލްގެ ކުރީގެ ސީއީއޯ މުޙައްމަދު ވަޖީހު އިބްރާހީމް އެމަޤާމުން ވަކިކުރައްވާފައިވަނިކޮށެވެ. ނަމަވެސް، ވަޖީހު އެމަޤާމުން ވަކިކުރި ސަބަބެއް ސަރުކާރުން ހާމަކޮށްފައި ނުވެއެވެ. 

Advertisement

ރިޝްވާން މޯލްޑިވްސް ޕޮލިސް ސާވިސްގައި ޑެޕއުޓީ ކޮމިޝަނާގެ މަޤާމު ފުރުއްވާފައިވަނީ ކުރީގެ ރައީސް މުޙައްމަދު ނަޝީދުގެ ވެރިކަމުގައެެވެ. ނަމަވެސް އޭގެ ފަހުން އޭނާ ވަނީ މަޤާމުން އިސްތިއުފާ ދެއްވާފައެވެ.  ކުރީގެ ރައީސް ޔާމީން ޢަބްދުލްޤައްޔޫމްގެ ވެރިކަމުގައި އޭނާ ވަނީ އައިޖީއެމްއެޗްގެ ސީއީއޯގެ މަޤާމު ފުރުއްވާފައެވެ. އަދި އޭގެ ކުރިން އެ ހޮސްޕިޓަލުގެ ޑެޕިއުޓީ ސީއީއޯގެ މަގާމުވެސް އަދާކުރައްވާފައެވެ.