ވެރިކަމަށް އައުމަށް ހުރިހާ ސަރުކާރަކުންވެސް އެކި ބަޮޑެތު ވަޢުދުތައް ވާކަމަށަާ، އެހެން ނަމަވެސް އެ ވަޢުދުތައް ފުއްދާފައިވަނީ ކޮން ސަރުކާރަކުންތޯ ޖުމްހޫރީ ޕާޓީގެ ލީޑަރ ޤާސިމް އިބްރާހީމް ސުވާލުކުރައްވައިފިއެވެ.

ޖުމްހޫރީ ޕާޓީގެ ފަރާތުން މަޖިލީހުގެ އިދާރާގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޤާސިމް ވިދާޅުވީ، ވެރިކަން ކުރެއްވި ބޭފުޅުންނާއި އިދިކޮޅު ޕާޓީ ތަކުންވެސް މިހާރު ދައްކަމުންދާ ވާހަކައަކީ މިއަދުގެ ސަރުކާރުން ކަމެއް ނުކޮށްދޭ ވާހަކަ ކަމަށެވެ. އަދި ވެ ވަޑައިގެންނެވި ވަޢުދާ ޚިލާފްވި ވާހަކަ ކަމަށެވެ. 

ޤާސިމް ވިދާޅުވީ، ސަރުކާރު ތަކަށް ކަންކަން ކުރެވޭނީ މާލީ ހާލަތުވެސް ތަން ދީގެން ކަމަށެވެ. އެގޮތުން ބޭސް ފަރުވާގެ ކަންކަމުގައިވެސް އެއް އިރެއްގައިވެސް ހުރިހާ ފަރާތަކަށް އެހީ ލިބިފައި ނުވާ ކަމަށާ އެކަމަށް އެތައް ޚަރަދެއް ކުރި ނަަމަވެސް އެހީ ނުލިބޭ ފަރާތްތައް ތިބޭ ކަން ފާހަގަކުރެއްވިއެވެ. 

ގާސިމް އިތުރަށް ވިދާޅުވީ، ސަރުކާރު ތަކުން ޚިޔާނާތްތެރިވާ ވާހަކަ އަކީވެސް އެންމެން ދައްކަވާ ވާހަކައެއް ކަމަށާ، އެހެން ނަމަވެސް މިއަދުގެ ސަރުކާރުން އެކަން ރަނގަޅު ކުރަން މަސައްކަތް ކުރާކަމަށް އޭނާ ވިދާޅުވިއެވެ. 

މީގެ އިތުރުން މިއަދުގެ ރިޔާސީ ބަޔާނުގައިވެސް ގިނަ ކަންކަން ކުރައްވާނެ ކަމަށް ރައީސް ވިދާޅުވި ކަން ފާހަގަކުރައްވައި ގާސިމް ވިދާޅުވީ، އެކަމުންވެސް އެމަނިކުފާނުގެ ރަނގަޅު އެދުމެއް އޮތް ކަން އެނގޭ ކަމަށެވެ.