ރީތިރަށް ރިސޯޓާ ދިމާ 5 މޭލު ބޭރުން ދަތުރުކުރަމުން ދިޔަ "ނަވައިމާ" ނަމަކަށް ކިޔާ ޔޮޓެއްގައި އަލިފާނުގެ ހާދިސާއެއް ހިނގައި ޔޮޓު އަޑިއަށް ހިނގައްޖެއެވެ. 

ފުލުހުން ބުނީ، މި ހާދިސާ 2025 ފެބްރުއަރީ 05 ވަނަ ދުވަހު ފަތިހު 03:43 އެހައިކަންހާއިރު އެ އިދާރާއަށް ރިޕޯޓް ކޮށްފައިވާ ކަމަށެވެ.

އަދި ޔޮޓުގައި އެވަގުތު 5 މީހަކު ތިބިކަމަށް މަޢުލޫމާތު ލިބިފައިވާ ކަމަށާ، އޭގެ ތެރެއިން އެކަކު ފިހިގެން ފަރުވާ ދިނުމަށް މާލެ ގެނެސްފައިވާ ކަމަށެވެ. 

މި ހާދިސާގައި ޔޮޓު އަޑިއަށް ގޮސްފައިވާއިރު، ހާދިސާ ފުލުހުން ތަޙުޤީޤު ކުރަމުންދާ ކަމަށް ފުލުހުން ބުންޏެވެ.