ފުވައްމުލަކުގައި މަސްތުވާތަކެތީގެ ވިޔަފާރިކުރާ ނެޓްވޯކް އެއްކޮށްހެން ހުއްޓުވިއްޖެ ކަމަށް ދާހިލީ ވަޒީރު ޢަލީ އިހުސާން ވިދާޅުވެއްޖެއެވެ. 

ވަޒީރު މިހެން ވިދާޅުވީ "ރިޔާސީ ބަޔާން 2025 ފޯރަމް"ގައި ވާހަކަ ދައްކަވަމުންނެވެ.

މި ފޯރަމްގައި ވާހަކަ ދައްކަވަަމުން ވަޒީރު ވަނީ އަތޮޅުތެރޭގައި މަސްތުވާތަކެތީގެ ވިޔަފާރި ކުރާ ތަންތަނާއި ދެކޮޅަށް ހާއްސަަ އޮޕަރޭޝަންތައް ކުރިއަށްގެންދާ ގުޅޭ މައުލޫމާތު ހިއްސާކުރައްވާފައެވެ. މީގެ އިތުރުން، ރާއްޖެއަށް ޑްރަގް އެތެރެ ކުރެވޭ މަގު ބަންދުކޮށް،  ލޯ އެންފޯސްމެންޓްގެ ޑިޕާޓްމެންޓްގެ ތެރޭގައި ފުލުހުންނާއި ކަސްޓަމްސްގައިވާ ޓާސްކް ފޯސްއެއްގެ ޒަރިއްޔާއިން އިންޓަލިޖެންސް ބޭސްކޮށް ޑްރަގް އޮޕަރޭޝަންތައް ހިންގަމުންދާ ކަމަށް މިނިސްޓަރ ވިދާޅުވިއެވެ.

އެ މަސައްކަތްތަކުގެ ތެރެއިން ފުވައްމުލަކުގައި ހިންގި ޑްރަގް ނެޓްވޯކެއް އެއްކޮށްހެން ހުއްޓުވިފައިވާ ކަމަށް އިހުސާން ހާމަކުރެއްވިއެވެ. 

ވަޒީރު މިފަދައިން ވިދާޅުވެފައިވާއިރު ފުވައްމުލަކުގައި ހުސްވި އަހަރު ތެރޭގައި ވަނީ މަސްތުވާތަކެއްޗާއި ދެކޮޅަށް "ވެށި ރައްކަލް'' ގެ ނަމުގައި ހާއްސަ އޮޕަރޭޝަނެއް ކުރިއަށް ގެންގޮސްފައި ވެއެވެ. ފުލުހުންގެ މުއައްސަސާއިން ކުރިއަށްގެންދިޔަ މި އޮޕަރޭޝަންގެ ދަށުން ރަށުގެ އެކި ގޭބީސީތައްް ބަލާފާސްކޮށްފައި ވެއެވެ. 

ނިމިގެންދިޔަ 2004 ވަނަ އަހަރުގެ މެއި 1 ވަނަ ދުވަހުން ފެށިގެން ފުވައްމުލައް ސިޓީ ފުލުހުން ކުރިއަށް ގެންދިޔަ މި އޮޕަރޭޝަނުގައި، ފުވައްމުލައް ސިޓީއަށް މަސްތުވާތަކެތި އެތެރެކޮށް، ވިއްކައި، ވިޔަފާރިކުރާ ފަރާތްތައް ހޯދައި ރަށުގެ އެކި ސަރަހައްދުތަކާއި ގޭބިސީތައް ބަލައިފާސްކޮށްފައި ވެއެވެ.