“ސާފު ރޯދަ” ނަމުގައި  މާލޭގައި ސާފުކުރާ ޕްރޮގްރާމެއް މިއަދު ކުރިއަށް ގެންގޮސްފިއެވެ. 

މިއީ ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާބެހޭ ވުޒާރާ އާއި ދިވެހި ބަހާއި ސަގާފަތާއި ތަރިކައާ ބެހޭ ވުޒާރާ އިން އިންތިޒާމްކޮށްގެން ކުރިއަށްގެންދާ ޕްރޮގްރާމެކެވެ.

ރޯދައަށް މާލެ ސާފުކުރުމުގެ މަޤްޞަދުގައި ބާއްވާ މި ޙަރަކާތް އިންތިޒާމްކުރި ދެ ވުޒާރާގެ އިތުރުން ތިރީގައިވާ މުއައްސަސާތަކުން މުވައްޒަފުން ބައިވެރިވެފައިވާ ކަމަށް ސިޓީސް މިނިސްޓްރީ އިން މައުލޫމާތުދީފައި ވެއެވެ. 

1. މިނިސްޓްރީ އޮފް އެޑިޔުކޭޝަން

2. މިނިސްޓްރީ އޮފް ޑިފެންސް

3. މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ

4. މިނިސްޓްރީ އޮފް ހެލްތު

5. އެމްޓީސީސީ

6. އާސަންދަ ކޮމްޕެނީ ލިމިޓެޑް

7. ސްޓެލްކޯ

8. އެމްޑަބްލިޔޫއެސްސީ

9. ރޯޑް ޑިވޮލޮޕްމެންޓް ކޯޕަރޭޝަން ލިމިޓެޑް

10. ޓްރޭޑްނެޓް މޯލްޑިވްސް ކޯޕަރޭޝަން ލިމިޓެޑް

11. މޯލްޑިވްސް ގޭސް

12. ދަރުމަވަންތަ ހޮސްޕިޓަލް/އައިޖީއެމްއެޗް

13. ވަޒީފާއާ ބެހޭ ޓްރެބިއުނަލް

14. މޯލްޑިވްސް ޕެންޝަން އެޑްމިނިސްޓްރޭޝަންގެ އޮފީސް

15. މީރާ

16. ޓެކްސް އެޕީލް ޓްރަބިއުނަލް

17. މޯލްޑިވްސް ކަރެކްޝަނަލް ސަރވިސް

18. ރައްޔިތުންގެ މަޖިލީހުގެ އިދާރާ

19. ވެމްކޯ

20. މާލޭ ސިޓީ ކައުންސިލްގެ އިދާރާ

 މި ޙަރަކާތުގައި މާލެތެރެއާއި، މާލޭގެ މުހިންމު ސަރަޙައްދުތަކެއް ސާފުކޮށްފައި ވެއެވެ. އެ ގޮތުން އިންޑަސްޓްރިއަލް ޒޯނާއި، އުސްފަސްގަނޑު ސަރަޙައްދާއި، ލޮނުޒިޔާރަތް ޕާކު ސަރަޙައްދާއި، ހެދިގޮނޑުދޮށު ސަރަޙައްދާއި، އަލިމަސް ކާނިވާ ސަރަޙައްދާއި، މަސްވެރިންގެ ޕާކު ސަރަޙައްދާއި، އެމްޕީއެލް ސަރަޙައްދާއި، އަދި ރަސްފަންނު ސަރަޙައްދު ސާފުކޮށްފައި ވެއެެވެ. 

"ރޯދަ ސާފު" ޙަރަކާތުގައި،  މާލެއެކޭ އެއް ގޮތަށް އަތޮޅުތެރޭގައި ހުރި ޕަބްލިކް ވާރކްސް ޔުނިޓުތަކުންނާއި، ބައެއް ރަށްރަށުގެ ކައުންސިލްތަކުން ވެސް ބައިވެރިވަމުންދާ ކަމަށް ސިޓީސް މިނިސްޓްރީ އިން ބުނެފައި ވެއެވެ. 

އެވޭލާ ޒަމާނުން ފެށިގެން ރޯދައަށް ގޯތިގެދޮރު ސާފުކޮށް، ގޯތިގެދޮރުގެ އާބާތުރަފިލުވުމަކީ ދިވެހިން ކުރަމުން އަންނަ ކަމެކެވެ. ދިވެހިންގެ ސަޤާފަތުގެ ރީތި އާދައެއް ވެސް މެއެވެ.