Qasim ge eheegai maamigili gai binaakuri miskiyy hulhuvaifi

ޤާސިމްގެ އެހީގައި މާމިގިލީގައި ބިނާކުރި މިސްކިތް ހުޅުވައިފި

15 Feb 2025 | 17:40

ޤާސިމްގެ އެހީގައި ބިނާކުރި މިސްކިތް ހުޅުވުމުގެ ތެރެއިން..

ޖުމްހޫރީ ޕާޓީގެ ލީޑަރ ޤާސިމް އިބްރާހީމްގެ ދީލަތި އެހީގައި އދ. މާމިގިލީގައި ބިނާކުރެއްވި މިސްކިތް ހުޅުވައިފިއެވެ.

ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރުކަން ކުރައްވަމުން ގެންދަވާ ގާސިމް އިބްރާހީމް އެރަށުގައި ބިނާކުރެއްވި މިސްކިތަށް ދީފައިވާ ނަމަކީ މަސްޖިދުލް ޛިކުރާ (مسجد الذكرى) އެވެ.

ޖުމްހޫރީ ޕާޓީގެ އިސް ތަރުޖަމާނު ޢަލީ ޞާލިޙު ވިދާޅުވީ މި މިސްކިތް ޤާސިމް ބިނާކުރެއްވީ މާމިގިލީ ރައްޔިތުންނާއި ކައުންސިލްގެ އެދިވަޑައިގަތުމުގެ މަތިން ކަމަށެވެ. މިސްކިތް ބިނާކުރުމުގެ މަސައްކަތަށް ހޭދަވީ މުޅިއެކު 57 ދުވަަސް ކަމަށް ޢަލީ ވިދާޅުވިއެވެ. މިއީ އެއްފަހަރާ 215 މީހުނަށް ނަމާދުކުރެވޭ މިސްކިތެކެވެ. މިސްކިތް ބިނާކޮށް ނިންމާފައިވަނީ ވުލޫކުރާނެ ތަނަކާއި ފާހާނާވެސް ހިމެނޭ ގޮތަށެވެ.