ރަމަޟާންމަހު ނޯތް ހާބަރު ސަރަހައްދުގައި ބިދޭސީންގެ ބައޯމެޓްރިކްސް އަދާހަމަކުރުމުގެ މަސައްކަތް ކުރިއަށްގެންދާނޭކަމަށް ދާހިލީ ސަލާމަތާއި ފަންނިއްޔަތާއި ބެހޭ ވުޒާރާއިން ބުނެފިއެވެ.
ދާހިލީ ވުޒާރާއިން ވަނީ ބިދޭސީންގެ ފިންގަރޕްރިންޓް އަދި ފޮޓޯ އަދާހަމަކުރުމުގެ ހާއްސަ އޮޕަރޭޝަނެއް ފަށާފައެވެ. އެ ވުޒާރާއިން ބުނީ، ވަޒީފާދޭފަރާތްތަކަށް ލުއިފަސޭހަ ގޮތްތަކެއް ހޯދައިދިނުމުގެ ގޮތުން ގްރޭތާ މާކެ ސަރަހައްދުގައި ވަޒީފާ އަދާކުރާ އެންމެހާ ބިދޭސީންގެ އިނގިލީގެ ނިޝާނާއި ފޮޓޯ އަދާހަމަކުރުމުގެ މަސައްކަތް ކުރިއަށްގެންދާނޭކަމަށެވެ. މިކަން ކުރިއަށްގެންދިއުމަށް ނިންމާފައިވަނީ ރަމަޟާންމަހާއި ޝައްވާލްމަހުގެ 7 ދުވަހު ހެނދުނު 9 އަކުން ހަވީރު 16:00 އަށެވެ. އަދި ރޭގަނޑު 21:30 ފެށިގެން 23:30 ހަށެވެ.
މިކަން ކުރިއަށްދާނީ ނޯތު ހާބަރުގައި ހުންނަ ށަ ޝޮޓް ހާބަރ ރެސްޓޯރަންޓް ސަރަހައްދުގައި ކަމަށެވެ.
ދާހިލީ ވުޒާރާއިން ބުނީ "އޮޕަރޭޝަން ކުރަނގި"ގެ ތެރެއިން ކުރިއަށްގެންދާ ބިދޭސީންގެ އިނގިލީގެ ނިޝާން ނެގުމާއި ފޮޓޯ އަޕްޑޭޓްކުރުމުގެ ކަންކަން މިއަހަރުގެ އޭޕްރިލްމަހުގެ ނިޔަލަށް ކުރިއަށްގެންދާނޭ ކަމަށެވެ. އޭގެ ފަހުން އޮންނާނީ ޤަވައިދާ ހިލާފަށް އުޅޭ ބިދޭސީން ފޮނުވާލުމުގެ މަސައްކަތެވެ. މި ޕްރޮގްރާމް މުޅިން ނިންމާލެވޭނެ ތާރީހެއްގެ ގޮތުގައި ކަނޑައަޅާފައިވަނީ 2027 ވަނަ އަހަރެވެ. އޮޕަރޭޝަން ކުރަނގީގެ ދަށުން މިހާތަނަށް 26،000 ބިދޭސީއެއްގެ މައުލޫމާތު ވަނީ ނަގާ ނިންމާފައެވެ.
Advertisement
This content is created and paid for by advertisers and does not involve Voice Journalists
